Jaku-Dalam

17 Manah agi makai roti ti rangkai dalam rumah ti penuh enggau pengelantang

Ari ke rami makai besai dalam rumah ti penuh enggau laya.

 2 Ulun ke bepenemu-dalam deka bekuasa atas anak tuan iya ti mai pemalu;

Iya deka bulih pesaka baka bala anak tuan iya.

 3 Pirak ditulinka ngena periuk tanah lalu emas ditulinka ngena serumbung api,

Tang Jehovah meh ke meresa ati mensia.

 4 Orang ke jai rindu mendingka jaku ti ngasuh orang pedis ati,

Lalu penipu rindu ningaka jaku fitnah.

 5 Barang sapa ke ngemelika orang ke miskin iya ngeleseka Petara ke ngaga iya,

Lalu barang sapa ke gaga ati meda orang bukai tusah deka diukum.

 6 Bala uchu baka makota ke orang ke udah tuai,

Lalu apai indai nya mulia ke bala anak.

 7 Jaku ti amat*enda sesuai dikena orang ke beli,

Lalu jaku ti bula enda patut disebut siku pemerintah.

 8 Hadiah baka batu ti berega ba orang ke ngempu iya;

Enda ngira kini ke penunga iya nya deka ngasuh iya mujur.

 9 Orang ke ngampunka penyalah nunjukka pengerindu,

Tang orang ke suah ngungkit penyalah mutuska kaul ti rapat.

10 Orang ke nemu berunding bulih agi penguntung ari jaku rara,

Enti dibandingka enggau orang ke beli ke dipalu seratus kali.

11 Orang ke jai semina rindu ngelaban,

Tang seruan* ti kejam deka dianjung kena ngukum iya.

12 Manah agi betemu enggau beruang ke lenyau anak,

Ari ke betemu enggau orang ke beli ke ngayanka pemeli iya.

13 Enti orang malas pemanah ngena penyai,

Penyai enda ninggalka ruang bilik iya.

14 Ngepunka laya baka ke muka empangan ai;

Mupuk meh sebedau laya nyadi.

15 Jehovah amat begedika orang ke madah orang ke jai nya enda salah,

Iya mega amat begedika orang ke madah orang ke lurus nya salah.

16 Nama guna orang ke beli bisi pengelandik kena ngulihka penemu-dalam,

Enti iya nadai ati deka ngulihka nya?

17 Kaban ti bendar seruran ngayanka pengerindu,

Lalu baka menyadi kandung ke ulih dikearapka maya bisi penusah.

18 Orang ke enda nemu berunding betabi jari sereta setuju

Deka nyamin utang ba depan orang bukai.

20 Orang ke jai ati enda ulih mujur,

Lalu orang ke nyebut utai ti bula deka ditinggang penusah.

21 Anak ke beli ngasuh apai iya tusah ati;

Lalu anak ke enda nemu berunding ngasuh apai iya nadai pengaga ati.

22 Ati ti gaga baka ubat ti ngasi,*

Tang ati ti balat tusah ngasuh orang lenyau pengering.

23 Orang ke jai belalai nerima rasuah

Kena ngelimpangka jalai ti adil.

24 Orang ke nemu berunding meda penemu-dalam ba depan iya,

Tang mata orang ke beli merening kin kia nyentukka ujung dunya.

25 Anak ke beli ngenusahka ati apai iya,

Sereta ngasuh indai iya pedis ati.

26 Ngukum* orang ke lurus nya ukai utai ti manah,

Lalu malu orang ke dipebasa nya ukai utai ti patut.

27 Orang ke bisi penemu bejimat milih jaku iya,

Lalu orang ke nemu berunding mengkang tenang.

28 Indah orang ke beli ke enda bemunyi pan deka dikumbai pintar,

Lalu orang ke enda bejaku deka dikumbai nemu berunding.