Belajar enggau Runding ti Tebuka

Lebuh besedia deka belajar, kitai engka nanya diri empu: “Nama utai ti baru ke deka ditemu aku?” Taja pia, kitai mesti bejimat enggau utai ti dikearapka kitai lebuh belajar. Kitai engka ngumbai kitai benung belajar sekeda utai, tang nya engka ukai utai ti deka diajar Jehovah ngagai kitai. Nyadi, baka ni kitai ulih belajar enggau runding ti tebuka?

Besampi minta penemu-dalam. Pinta Jehovah nulung nuan nemu utai ke deka diajar Iya ngagai nuan diatu. (Jas. 1:5) Anang semina bepuas ati enggau utai ti udah ditemu nuan.—J-lam. 3:​5, 6.

Tejuka kuasa Jaku Petara ngubah pengidup nuan. “Jaku Petara idup.” (Heb. 4:12) Tiap kali kitai macha Bup Kudus, kitai ulih tetemuka utai ti baru ke ulih nulung kitai ba pengidup. Tang, utai tu semina ulih nyadi enti kitai sedar, bisi utai ke enda ditemu kitai lalu kitai ulih belajarka nya ari Jaku Petara.

Beterima kasihka semua utai ke dikena Jehovah ngajar kitai. Pemakai rohani ke disediaka Jehovah baka “pengerami makai besai.” (Isa. 25:6) Uji meh belajarka topik ke enda entu dikerinduka nuan. Enggau chara nya, nuan deka nejuka Petara nulung nuan nyadi orang ti manah agi, lalu nuan deka rindu agi belajar.