Giga Endur Belajar ti Sesuai

Kati nuan deka ngulihka mayuh agi penguntung ari pengawa belajarka Bup Kudus kediri empu? Sekeda ari chara tu deka nulung nuan fokus agi lebuh belajar:

• Giga endur ti sesuai. Giga endur ti beresi sereta terang ngambika nuan ulih belajar enggau manah. Nuan ulih belajar ba mija, tauka nuan ulih milih endur ti nyamai alai nuan ulih belajar ba luar.

• Giga endur nuan ulih kediri. Jesus besampi “tumu pagi” ba “endur ti sunyi.” (Mrk. 1:35) Enti nuan tusah ngiga endur nuan ulih kediri, nuan ulih madah ngagai diri sebilik tauka orang ke serumah enggau nuan ni maya nuan belajar. Udah nya, nuan ulih madah ngagai sida ngambika enda ngachau nuan ba maya nya.

• Seliahka ari utai ke ulih ngelimpangka fokus nuan. Enti nuan belajar ngena talipun tauka tablet, tentuka perengka elektronik nuan enda bemunyi lebuh nerima notification, tauka nuan ulih masang airplane mode ngambika fokus nuan enda dikachau. Enti nuan teringatka utai ke patut digaga nuan maya nuan belajar, tulis nya dulu ngambika nuan ulih ngereja nya pengudah belajar. Enti nuan tusah deka fokus, rehat meh enda lama. Nuan engka ulih stretching tauka bejalai.