Begulai enggau Orang ke Rinduka Jehovah

Nama kebuah kitai patut begulai enggau orang ke rinduka Jehovah? Laban orang ke enggau kitai begulai ulih meransang kitai ngereja utai ti betul tauka ngereja utai ti salah. (J-lam. 13:20) Ambika chunto, Raja Joas ngereja ‘utai ti ngerinduka ati Jehovah’ seagi-agi iya begulai enggau Imam Besai Jehoiada. (2 Ban. 24:2) Pengudah Jehoiada mati, Joas ninggalka Jehovah laban iya begulai enggau kaban ti enda manah.—2 Ban. 24:17-19.

Ba kurun keterubah, rasul Paul mandingka eklisia Kristian enggau “rumah ti besai” lalu orang dalam eklisia nya “pekekas,” tauka perengka rumah. Kitai nyadi “pekekas ti dikena ngereja pengawa ti menyana” enti kitai enda begulai enggau orang ti ngereja pengawa ke enda ngerinduka ati Jehovah. Tu nyengkaum diri sebilik tauka menyadi Kristian ba eklisia. (2 Tim. 2:20, 21) Nya alai, aram meh kitai begulai enggau orang ke rinduka Jehovah sereta ke meransang kitai nyembah Iya.

PEDA VIDEO BELAJAR NULAK KAUL TI ENDA MANAH, LALU SAUT TANYA TU:

• Baka ni kitai nyau enda nemu diri udah begulai enggau orang ke enda manah ulah?

• Ba lakun nya, nama nulung tiga iku menyadi Kristian badu begulai enggau orang ke enda manah ulah?

• Nama prinsip Bup Kudus ke ulih nulung nuan milih kaul enggau manah?