Baka Ni Sida ke Indu Ulih Gawa Mayuh Agi ke Jehovah?

Bala menyadi ke indu ulih nyukung pengawa Perintah Petara. (Mas. 68:11) Sida ngajar mayuh pemelajar Bup Kudus, lalu mayuh ari pengerintis biasa nya bala menyadi ke indu. Mayuh menyadi indu ke bagas gawa ba Betel, nyadi pengerintis seberai tasik, pekereja ke nirika bengunan, sereta nyadi penyalin. Menyadi indu ke bepenemu-dalam ulih nyukung diri sebilik sereta eklisia. (J-lam. 14:1) Taja pan bala menyadi ke indu enda ulih nyadi tuai gempuru tauka penulung gempuru, tang sida agi ulih nulung ba pengawa bukai dalam eklisia. Baka ni nuan ulih gawa mayuh agi ke Jehovah?

• Ngemansangka kualiti ti manah ba runding enggau ati.—1 Tim. 3:11; 1 Pet. 3:3-6

• Nulung bala menyadi indu ke bukai ti begunaka bantu.—Tit. 2:3-5

• Suah agi nginjil lalu ngemansangka pengelandik ba pengawa nya

• Belajarka bansa jaku bukai

• Mindah ngagai endur ke begunaka bantu

• Minta gawa ba Betel tauka nulung pengawa nirika bengunan teokratik

• Minta enggau Sekula Penginjil Perintah Petara

PEDA VIDEO “BALA INDU TI BEBENDAR GAWA KE TUAN JESUS,” LALU SAUT TANYA TU:

• Baka ni peneleba bala menyadi indu dalam video tu meransang nuan?