5. Jehovah dekaka pangan Iya ngereja nama?

Kitai tentu gaga ati enti bala pangan kitai ngereja utai ti dikerinduka kitai.

• Nuan rindu bala kaban nuan ngereja utai nama ke nuan?

Bacha 1 John 5:3, lalu kerandauka tanya tu:

• Jehovah dekaka bala pangan Iya ngereja nama?

Enti kitai deka ngasika Jehovah, kitai engka patut ngubah sekeda ulah tauka tebiat ti enda dikerinduka Iya. Bacha Isaiah 48:17, 18, lalu kerandauka tanya tu:

• Nama kebuah Jehovah dekaka bala pangan Iya ngaga ubah?

Kati nuan ngasaika diri semak agi ngagai Petara pengudah belajarka Bup Kudus? Kati nuan deka terus agi semak ngagai Iya? Enti deka, kingatka meh, dalam agi pengerindu nuan ngagai Petara, deka agi Iya rindu sereta ibuhka nuan. Tang baka ni nuan ulih nunjukka diri rinduka Petara?

1. Baka ni kitai ulih mandangka pengerindu ngagai Jehovah?

Kitai mandangka pengerindu ngagai Jehovah enggau ngasika Iya. (Bacha 1 John 5:3.) Tang Jehovah enda ngansak kitai ngereja nya. Bup Kudus madahka, Petara deka kitai ngasika Iya “enggau pengabis ati.” (Rome 6:17) Reti iya, Jehovah deka nuan ngasika Iya, ukai ketegal nuan dipejal tang ketegal nuan rinduka Iya. Begian 3 enggau 4 ari bup tu ngajar kitai chara ngayanka pengerindu ngagai Jehovah lebuh kitai ngereja utai ti ngerinduka ati Iya sereta nyeliahka diri ari utai ti dipegedika Iya.

2. Nama kebuah kitai kadang-kadang tusah deka nunjukka pengerindu ngagai Jehovah?

Bup Kudus madahka, “Orang ke badas natka mayuh macham penusah.” (Masmur 34:19) Semua kitai enda sempurna sereta ngembuan mayuh pengelemi. Kitai mega engka napi penanggul ba penatai pemisi, napi utai ti enda lurus, tauka napi penanggul ke bukai. Utai ke baka tu ulih ngasuh kitai tusah deka ngasika Jehovah. Kitai engka ngasaika senang agi nitihka chara diri empu. Tang enti nuan ngasika Jehovah taja pan enda senang, nuan nunjukka diri ngasi sereta rinduka Iya lebih agi ari semua utai. Pia mega, enti nuan taluk ngagai Petara, Iya mega deka taluk ngagai nuan sereta enda ninggalka nuan.—Bacha Masmur 18:23.

4. Gagaka meh ati Jehovah

Bacha Jaku Dalam 27:11, lalu kerandauka tanya tu:

• Baka ni asai ati Jehovah lebuh nuan ngayanka penemu-dalam sereta ngasika Iya? Nama kebuah?

5. Nuan ulih mengkang taluk ngagai Jehovah

VIDEO: Tanka Pengarap Nuan Taja Pan Disakal (5:09)

• Kala nuan ngasaika diri tusah deka madah ngagai orang bukai pasal Jehovah?

• Ba video tu, nama utai ke nulung Grayson mutarka asai ati ti takut?

Kitai deka senang agi tetap ati ngagai Jehovah enti kitai rinduka utai ti dikerinduka Iya sereta begedika utai ti dipegedika Iya. Bacha Masmur 97:10, lalu kerandauka tanya tu:

• Bepelasarka utai ti udah dipelajarka nuan, nama sekeda utai ti dikerinduka Jehovah? Nama sekeda utai ti dipegedika Jehovah?

• Baka ni nuan ulih ngemansangka pengerindu ngagai utai ti manah sereta belajar begedika utai ti jai?

6. Berekat ketegal ngasika Jehovah

Kitai bulih mayuh penguntung lebuh ngasika Jehovah. Bacha Isaiah 48:17, 18, lalu kerandauka tanya tu:

• Kati nuan pechaya Jehovah nemu utai ti pemadu manah ke nuan? Nama kebuah?

• Nama penguntung ke diulih nuan kenyau ari maya nuan berengkah belajarka Bup Kudus sereta ngelala Jehovah, Petara ti bendar?

LANSA

Nuan nunjukka diri rinduka Jehovah lebuh nuan ngasika Iya sereta taluk taja pan ba maya ti tusah.

Ulang Kaji

• Nama utai ti dipelajarka nuan ari chunto Jop?

• Baka ni nuan ulih nunjukka pengerindu ngagai Jehovah?

• Nama utai ke ulih nulung nuan mengkang taluk ngagai Jehovah?

ARAM BELAJAR

Peratika baka ni nuan ulih tetap ati ngagai Jehovah enggau eklisia.

“Nuan Endang Tetap Ati ngagai Orang ke Tetap Ati ngagai Nuan” (16:49)

Belajar mayuh agi pasal jaku tuduh Sitan ngagai mensia.

“Jop Ngetanka Penetap Ati Iya” (Bup Kudus—Nama Pesan Iya? begian 6)

Peratika baka ni bala nembiak ulih nunjukka pengerindu ngagai Jehovah.

Ngasuh Jehovah Gaga Ati (8:16)

Baka ni bala nembiak ulih ngetanka penaluk ngagai Petara lebuh ditekan bala serambau?

Enda Alah Ditekan Bala Serambau! (3:59)

Semua kitai patut ngaga mayuh pemutus ba pengidup. Sekeda pemutus kitai bisi empas ti besai ngagai pengidup kitai sereta kaul kitai enggau Jehovah. Ambika chunto, kitai engka patut ngaga pemutus bekaul enggau kereja, endur diau, sereta kaling pengidup. Lebuh kitai ngaga pemutus ti manah, kitai deka ngagaka ati Jehovah sereta idup enggau lantang.

1. Baka ni Bup Kudus ulih nulung nuan ngaga pemutus ti manah?

Sebedau ngaga pemutus, nuan ulih besampi minta iring ari Jehovah sereta mansik Bup Kudus kena meda runding Iya pasal pekara nya. (Bacha Jaku Dalam 2:3-6.) Kadang-kadang, Bup Kudus ngembuan pesan ti nyemetak pasal pekara nya. Enti pia, pemutus ti pemadu manah iya nya, nitihka pesan nya.

Baka ni enti nadai pesan ti nyemetak ari Bup Kudus? Jehovah agi ulih ngena prinsip Bup Kudus “nunjukka jalai ti patut ditengah.” (Isaiah 48:17) Nama reti prinsip Bup Kudus? Prinsip Bup Kudus nya batang pemendar ke nulung kitai nemu asai ati sereta runding Jehovah. Prinsip ke baka tu mega ulih ditemu ba sekeda cherita dalam Bup Kudus. Lebuh kitai bebendar nguji nemu runding Jehovah, kitai deka ngaga pemutus ti ngelantangka ati Iya.

2. Nama utai ke patut diperundingka nuan sebedau ngaga pemutus?

Bup Kudus madah: “Orang ke pintar deka nyingkang enggau bejimat.” (Jaku Dalam 14:15) Nya alai, berunding meh enggau dalam sebedau ngaga pemutus. Tanya diri empu: ‘Nama prinsip Bup Kudus ke ulih dikena aku? Nama empas ari pemutus ke digaga aku ngagai diri empu enggau orang bukai? Ke pemadu beguna, kati pemutus aku ngasuh Jehovah gaga ati?’—Ulang Adat 32:29.

Jehovah bisi hak nentuka bagi utai ti manah enggau utai ti jai. Lebuh kitai nitihka pesan Jehovah, kitai benung ngelatih penemu ati kitai. Penemu ati nya penau ngelala utai ti betul enggau utai ti salah. (Rome 2:14, 15) Penemu ati ke dilatih tu ulih nulung kitai ngaga pemutus ti manah.

BELAJAR MAYUH AGI

3. Awakka Bup Kudus ngiring nuan

VIDEO: Awakka Prinsip Bup Kudus Ngiring Nuan (5:54)

• Nama reti peluang bibas milih?

• Nama kebuah Jehovah meri kitai peluang bibas milih?

• Nama utai ke diberi Jehovah ngambika kitai ulih ngena peluang bibas milih tu enggau manah?

Bacha Epesus 5:15, 16 kena meda siti chunto prinsip Bup Kudus. Udah nya kerandauka baka ni nuan ulih ngena ‘semua jam nuan enggau badas’ ngambika ulih . . .

• macha Bup Kudus enggau tetap.

• nyadi laki, bini, apai, indai, tauka anak ti manah agi.

• datai gempuru.

4. Latih penemu ati nuan ngambika ulih ngaga pemutus ti manah

VIDEO: “Mengkang Ngetanka Ati ti Beresi” (5:13)

• Nama utai ke digaga menyadi indu dalam video nya kena ngelatih penemu ati iya ngambika ulih ngaga pemutus ti ngagaka ati Jehovah?

Nama kebuah kitai enda patut ngasuh orang bukai ngaga pemutus ke kitai? Bacha Hebrew 5:14, lalu kerandauka tanya tu:

• Kitai engka ngasaika nya senang agi enti orang bukai ngaga pemutus ke kitai. Tang nama utai ke patut ditemu kitai?

• Nama utai ti bisi ke ulih dikena matih penemu ati kitai ngambika ulih ngaga pemutus ti manah?

5. Bebasaka penemu ati orang bukai

Tiap iku orang bisi pilih ti bebida. Baka ni kitai ulih masa penemu ati orang bukai? Peratika dua chunto tu:

Chunto 1: Seiku menyadi indu baru pindah ngagai eklisia bukai. Sekeda menyadi indu ba eklisia nya enda nyamai ati lebuh meda iya rindu nganta.

Bacha Rome 15:1 enggau 1 Korint 10:23, 24, lalu kerandauka tanya tu:

• Nama pemutus ke engka digaga menyadi indu nya enti iya nitihka jaku lalau ba ayat tu? Taja pan penemu ati nuan ngemendarka nuan ngereja siti-siti utai, tang nama deka digaga nuan enti penemu ati orang berasai enda nyamai?

Chunto 2: Seiku menyadi lelaki nemu Bup Kudus nadai nagang kitai ari ngirup ai bisa, tang iya milih ngambika enda ngirup. Lebuh makai begulai enggau bala menyadi bukai, iya meda bala menyadi lelaki ke bukai ngirup ai bisa.

Bacha Pengajar 7:16 enggau Rome 14:1, 10, lalu kerandauka tanya tu:

• Nama pemutus ke engka digaga menyadi lelaki nya enti iya nitihka jaku lalau ba ayat tu? Nama deka digaga nuan enti orang bukai ngereja utai ti ngasuh penemu ati nuan berasai enda nyamai?

Chara ngaga pemutus ti manah

1. Minta tulung ari Jehovah sebedau ngaga pemutus.—James 1:5.

2. Pansik Bup Kudus enggau litaricha bepelasarka Bup Kudus kena ngiga prinsip Bup Kudus ti engkeman. Nuan tau ngiga jaku ajar ari bala menyadi Kristian ti tegap ba pengarap.

3. Perundingka empas ari pemutus ke digaga nuan ngagai penemu ati nuan enggau orang bukai.

LANSA

Kitai ulih ngaga pemutus ti manah lebuh kitai berundingka asai ati Jehovah pasal pekara nya sereta berunding sekalika pemutus ke digaga kitai nya deka nulung tauka ngachau orang bukai.

Ulang Kaji

• Baka ni nuan ulih ngaga pemutus ti ngagaka ati Jehovah?

• Baka ni nuan ulih matih penemu ati nuan?

• Baka ni nuan ulih bebasaka penemu ati orang bukai?

ARAM BELAJAR

Baka ni nuan ulih ngaga pemutus ti ngelantangka ati Petara?

“Gaga Pemutus ti Ngemuliaka Petara” (Menara Jaga, 15 April 2011)

Belajar mayuh agi pasal chara Jehovah meri kitai jaku ajar.

Jehovah Ngiring Nembiak Iya (9:50)

Peratika utai ti nulung seiku nembiak ngaga pemutus ti mar.

Jehovah Nyamin Semua Utai ti Manah (5:46)

Belajarka baka ni nuan ulih ngaga pemutus ti ngelantangka Jehovah taja pan Bup Kudus nadai ngembuan pesan ti nyemetak pasal pekara nya.

“Kati Nuan Seruran Begunaka Pesan ti Nyemetak ari Bup Kudus?” (Menara Jaga, 1 Disember 2003)