• Datai Semak ngagai Petara Nengah Sampi
    Idup enggau Lantang Belama Iya!—Bulih Penguntung ari Belajarka Bup Kudus

    • 1. Ngagai sapa kitai patut besampi, lalu nama utai ke ulih disampika kitai?

      Jesus ngajar kitai semina patut besampi ngagai Apai kitai ti di serega. Jesus empu besampi ngagai Jehovah. Ku iya: “Nya alai, baka tu ku chara kita patut besampi: ‘Apai kami ti di serega . . . ’” (Matthew 6:9) Lebuh kitai besampi ngagai Jehovah, kaul kitai enggau Iya deka nyadi tegap agi.

      Kitai ulih besampi pasal sebarang utai. Tang enti kitai dekaka Petara nyaut sampi kitai, nama utai ke patut dikingatka kitai? Bup Kudus madahka: “Enti kitai minta sebarang utai nitihka peneka [Petara], Iya ninga kitai.” (1 John 5:14) Jesus ngajar kitai pasal utai ti ulih disampika kitai. (Bacha Matthew 6:9-13.) Kitai ulih besampi pasal utai ti diguna kitai. Tang anang enda ingat meri terima kasih ngagai Petara sereta besampika orang bukai.

  • Nama Deka Digaga Perintah Petara?
    Idup enggau Lantang Belama Iya!—Bulih Penguntung ari Belajarka Bup Kudus
    • Pelajar 33. Orang diau ba dunya Paradais.

      PELAJAR 33

      Nama Deka Digaga Perintah Petara?

      Perintah Petara benung merintah. Enda lama agi Perintah tu deka ngubah gaya dunya lalu mai mayuh berekat. Aram kitai meda sekeda berekat ti deka diasaika kitai di baruh Perintah Petara.

      1. Baka ni Perintah Petara deka mai pemaik sereta pengelurus ba dunya?

      Jesus, Raja Perintah Petara, deka ngerusak orang ti jai enggau semua perintah ba dunya ba perang Armagedon. (Pemandang 16:14, 16) Peratika semaya Bup Kudus tu: “Enda lama da agi orang ke jai deka abis.” (Masmur 37:10) Nengah Perintah Petara, Jesus deka nentuka serata dunya penuh enggau pengelurus sereta pemaik.—Bacha Isaiah 11:4.

      2. Nama berekat ke deka diasaika kitai lebuh peneka Petara nyadi ba dunya?

      Di baruh Perintah Petara, “orang ke lurus deka bempu menua tu lalu diau ditu belama iya.” (Masmur 37:29) Ba baruh Perintah Petara, semua orang deka rinduka Jehovah enggau pangan diri! Kitai deka ngasaika pengidup ti belama iya, ke nadai penyakit tauka pemerinsa.

      3. Nama deka digaga Perintah Petara pengudah orang jai dirusakka?

      Pengudah orang jai dirusakka, Jesus enggau 144,000 iku orang ke sama enggau iya merintah ba serega, deka merintah pengelama 1,000 taun. Maya nya, semua orang deka belubah-lubah nyadi sempurna enggau gaga ati laban sida ngasika iring Jehovah. Lalu dunya deka berubah nyadi Paradais. Pengudah 1,000 taun, Jesus deka mulaika baru Perintah Petara ngagai Apai iya, Jehovah. Ba pengujung iya, nama Jehovah deka dikuduska, lalu semua orang deka nemu Iya meh pemerintah ti pemadu manah. (Matthew 6:9, 10) Udah nya, Jehovah deka ngerusak Sitan, bala melikat ti jai, enggau semua orang ke ngelaban chara Jehovah merintah. (Pemandang 20:7-10) Berekat ti dibai Perintah Petara deka meruan belama iya.

      BELAJAR MAYUH AGI

      Peratika kebuah kitai ulih pechaya Petara deka ngena Perintah Iya ngamatka semua semaya ke dipadah dalam Bup Kudus.

      4. Perintah Petara deka ngerusak perintah mensia

      Bup Kudus madahka, diatu “orang ke bisi kuasa diau, alai orang bukai ke natka diri merinsa dipegai sida.” (Pengajar 8:9) Jehovah deka ngena Perintah Iya ngujungka semua utai ti enda manah ke digaga mensia ke enda lurus.

      Bacha Daniel 2:44 enggau 2 Tesalonika 1:6-8, lalu kerandauka tanya tu:

      • Nama deka digaga Jehovah enggau Jesus ngagai perintah mensia sereta orang ke nyukung perintah nya?

      • Nitihka utai ti udah dipelajar nuan pasal Jehovah enggau Jesus, nama utai ke ngasuh nuan andal seduai iya deka ngereja utai ti lurus?

      5. Jesus Raja ti amat manah

      Jesus nya Raja Perintah Petara. Iya deka mai mayuh berekat ngagai orang ba dunya. Mainka VIDEO kena meda bukti ke nunjukka Jesus deka sereta bisi kuasa kena nulung orang.

      Jesus nyadi Raja ba serega lalu merintah atas dunya.

      VIDEO: Jesus Nunjukka Berekat ke Deka Dibai Perintah Petara (1:13)

      Lebuh Jesus ba dunya, iya nunjukka utai ke deka digaga Perintah Petara. Ni bagi berekat ke pemadu dianti nuan? Bacha meh ayat Bup Kudus ke bekaul enggau berekat tu.

      LEBUH BA DUNYA, JESUS . . .

      LEBUH BA SEREGA, JESUS DEKA . . .

      • muai lapar pungkang.—Masmur 72:16.

      • nentuka semua orang bisi pengerai ti sempurna.—Isaiah 33:24.

      6. Perintah Petara deka mai pengidup ti manah jemah ila

      Perintah Petara tentu deka ngamatka tuju asal Petara ngagai mensia. Sida deka idup belama iya ba dunya Paradais. Mainka VIDEO kena nemu baka ni Jehovah ngena Jesus nyapai peneka Iya.

      VIDEO: Berekat Jemah Ila ti Manah (4:38)

      Bacha Masmur 145:16, lalu kerandauka tanya tu:

      • Nama asai ati nuan pengudah nemu Jehovah deka “meri chukup utai ngagai semua utai ti idup”?

      BISI ORANG MADAH: “Enti mensia bekerejasama, semua penanggul ba dunya ulih diputarka.”

      • Nama penanggul ke semina ulih diputarka Perintah Petara?

      LANSA

      Perintah Petara tentu deka ngamatka peneka Petara. Serata dunya deka diubah nyadi Paradais lalu orang ti manah deka nyembah Jehovah belama iya.

      Ulang Kaji

      • Baka ni Perintah Petara deka nguduska nama Jehovah?

      • Nama kebuah kitai ulih andal Perintah Petara deka mai berekat ti disemayaka dalam Bup Kudus?

      • Nama berekat ke deka dibai Perintah Petara ke pemadu dianti nuan?

      Uji Tu

      ARAM BELAJAR

      Belajarka nama reti perang Armagedon.

      “Nama Reti Perang Armagedon?” (Artikel ba laman web jw.org)

      Belajarka utai ke deka nyadi ba maya ti disebut Jesus sebagai “Penusah ti Besai.”—Matthew 24:21.

      “Nama Nya Penusah ti Besai?” (Artikel ba laman web jw.org)

      Belajarka baka ni kita sebilik ulih ngambarka diri ba dunya Paradais.

      Gambarka Nuan ba Paradais (1:50)

      Bacha artikel “Mayuh Tanya ke Diperundingka Aku,” kena nemu baka ni seiku orang ke ngelaban atur politik bulih saut ngagai tanya iya.

      “Bup Kudus Ngubah Pengidup” (Menara Jaga, 1 Januari 2012)