Ku Jesus madah: “Gaga ati meh sida ke nemu diri begunaka iring ari Petara, laban Perintah serega endang enggi sida. Gaga ati meh sida ke tusah ati, laban sida deka diperindang. . . . Gaga ati meh sida ke keranka pengelurus, laban Petara deka ngemuaska sida. . . . Gaga ati meh sida ke kena perinsa ketegal ngereja utai ti lurus, laban sida deka bempu Perintah serega. Gaga ati meh kita lebuh orang ngelese, lalu merinsaka kita . . . ketegal aku. Gaga sereta lantang ati meh kita.”—Matthew 5:3-12.

Sapa orang ke amat gaga ati? Jesus madahka sida nya orang ke nemu diri begunaka iring ari Petara, nesal ati ke dosa sida, lalu sida ngelala sereta nyembah Petara. Taja pan sida dipegedi tauka diperinsa ketegal ngereja peneka Petara, sida gaga ati laban nemu diri benung ngagaka ati Petara. Lalu Petara deka merekatka sida enggau pengidup ti meruan belama iya.