4. Buai tebiat ti enda manah

Enti nuan nginsap tauka salah ngena dadah, nuan engka ngasaika nya amat tusah deka badu. Tang nuan ulih mutarka nya enggau berundingka empas ti enda manah ari tebiat nya. Bacha Matthew 22:37-39, lalu kerandauka baka ni nginsap tauka salah ngena dadah ulih ngachau . . .

• kaul seseiku orang enggau Jehovah.

• diri sebilik enggau orang bukai.

Gaga pelan kena muai tebiat ti enda manah.b Mainka VIDEO.

VIDEO: Ngemansangka Ulah ti Nemu Nagang Diri (2:47)

Bacha Pilipi 4:13, lalu kerandauka tanya tu:

• Baka ni besampi, belajarka Bup Kudus, sereta datai begempuru enggau tetap ulih meri nuan pengering kena muai tebiat ti enda manah?

5. Seliahka runding enggau ulah ti enda tuchi

Bacha Kolosi 3:5, lalu kerandauka tanya tu:

• Baka ni kitai nemu pornografi, sexting,c enggau ngeluchu nya utai ti enda tuchi ba Jehovah?

• Ba runding nuan, kati ulih enti Jehovah minta kitai tuchi ba moral? Nama kebuah?

Belajarka chara ngelaban runding ti enda tuchi. Mainka VIDEO.

VIDEO: Bebendar Ngambika Mengkang Tuchi (1:51)

Sempama ari Jesus nulung kitai nemu kitai patut keran ngereja utai ti betul ngambika mengkang tuchi ba moral. Bacha Matthew 5:29, 30, lalu kerandauka tanya tu:

• Jesus ukai ngasuh kitai ngemediska diri empu, tang iya madahka, kitai patut bebendar muai runding ti kamah. Nama patut digaga seseiku orang kena muai runding ti kamah?d

Jehovah amat gaga ati lebuh Iya meda nuan bebendar ngelaban runding ti enda tuchi. Bacha Masmur 103:13, 14, lalu kerandauka tanya tu:

• Enti nuan benung belaban enggau tebiat ti enda tuchi, baka ni ayat tu ulih meransang nuan ngambika enda ngalahka diri?

Labuh tang enda dialahka!

Kati nuan asa ati ketegal enda mujur muai tebiat ti enda manah? Pikirka chunto tu: Enti seiku orang ke enggau pekit belanda teterap maya belumba, iya agi ulih angkat lalu neruska lumba nya. Baka nya mega, lebuh nuan bisi pengingin ngereja tebiat ti lama, lalu enda sengaja ngereja pengawa nya, anang asa ati, nuan agi ulih ngelaban pengingin nya. Nya alai, anang ngalahka diri! Enggau tulung ari Jehovah, nuan ulih muai tebiat ti enda manah.

6. Nama ulih nulung orang badu ngirup kelalu mayuh?

VIDEO: ‘Aku Udah Leju Enggau Chara Pengidup Aku’ (6:32)

• Baka ni ulah Dmitry lebuh iya ngirup ai bisa?

• Ulih iya ngetu ngirup ai bisa tekala nya?

• Baka ni iya mujur mutarka ulah gian ngirup ai bisa?

Bacha 1 Korint 6:10, 11, lalu kerandauka tanya tu:

• Ba Petara, kati mabuk nya penyalah ti besai?

• Nama utai ke nunjukka seiku pemabuk ulih berubah?

Bacha Matthew 5:30, lalu kerandauka tanya tu:

• Lebuh Jesus nyebut kitai patut netak jari, tu mai reti, kitai patut ngelengkaka sekeda utai ngambika ulih ngelantangka ati Jehovah. Nama ulih digaga nuan enti nuan salah guna ai bisa?a

Bacha 1 Korint 15:33, lalu kerandauka tanya tu:

• Nama ulih nyadi enti kitai rindu begulai enggau orang ke balat ngirup ai bisa?