PELAJAR 17

Jesus Nya Orang ke Baka Ni?

Edisi ke Dichelak

Pengudah kitai belajar pasal pengidup Jesus ba dunya, kitai tentu deka semak agi ngagai Jehovah enggau Jesus. Aram kitai belajar sekeda ari pemanah Jesus sereta baka ni kitai ulih nunjukka nya ba pengidup kitai.

1. Baka ni Jesus nunjukka diri baka Apai iya?

Sebedau datai ke dunya, Jesus udah begulai enggau Apai iya bebiliun taun ba serega. Ketegal nya, chara Jesus berunding, asai ati iya, sereta chara iya ngereja utai, sama baka Apai iya. (Bacha John 5:19.) Nya meh kebuah Jesus madah: ‘Barang sapa udah meda aku, udah meda Apai.’ (John 14:9) Lebuh nuan belajar pasal Jesus, nuan mega deka ngelala Jehovah enggau dalam agi. Ambika chunto, Jesus amat rinduka mensia. Nya alai, nuan ulih pechaya, Jehovah mega amat sayauka semua mensia nyengkaum nuan empu.

2. Baka ni Jesus nunjukka diri rinduka Jehovah?

Ku Jesus: ‘Aku ngereja utai ti diasuh Apai, ngambika dunya nemu aku rinduka Apai.’ (John 14:31) Lebuh ba dunya, pengerindu meransang Jesus ngasika Apai iya, enda ngira ba maya ti senang tauka tusah. Kelimpah ari nya, Jesus mega seruran ngajar orang pasal Apai iya ngambika sida ulih nyadi pangan Apai iya.—John 14:23.

3. Baka ni Jesus nunjukka diri rinduka mensia?

Jesus madahka, mensia nya utai ti ditempa ke ngagaka ati iya. (Jaku Dalam 8:31) Baka ni Jesus nunjukka pengerindu iya? Jesus sanggup nulung orang sereta meransang sida. Kereja ajih ke digaga iya nunjukka iya ukai semina bisi kuasa, tang iya mega sinu ngagai orang bukai. (Mark 1:40-42) Iya seruran manah sereta enda bechiping enggau orang. Ajar Jesus meri orang pengelantang ba ati sereta ngasuh orang andalka semaya ke deka nyadi. Jesus sanggup merinsa sereta mati ketegal pengerindu iya ke semua mensia. Tang pengerindu iya kelebih agi ngagai orang ke nitihka ajar iya.—Bacha John 15:13, 14.

BELAJAR MAYUH AGI

Belajar mayuh agi pasal pemanah ati Jesus. Peratika mega chara nuan ulih nunda pengerindu sereta pengerah jari Jesus.

4. Jesus rinduka Apai iya

Teladan Jesus ngajar kitai chara ngayanka pengerindu ngagai Petara. Bacha Luke 6:12 enggau John 15:10; 17:26. Pengudah macha tiap iti ayat, kerandauka tanya tu:

Baka Jesus, baka ni kitai ulih ngayanka pengerindu ngagai Jehovah?

Jesus praying. — Jesus amat sayauka Apai iya lalu seruran besampi ngagai Iya

5. Jesus ngenuluka orang bukai

Jesus ngenuluka utai ti diguna orang bukai. Taja pan iya lelak, iya ngena awak sereta pengering nulung orang bukai. Bacha Mark 6:30-44, lalu kerandauka tanya tu:

Ari cherita tu, baka ni Jesus nunjukka iya ibuhka orang?—Peda ayat 31, 34, 41, enggau 42.
Nama kebuah Jesus rindu nulung orang?—Peda ayat 34.
Pemanah Apai iya ulih dipeda ari utai ti digaga Jesus. Nya alai, nama ulih dipelajarka nuan pasal Jehovah pengudah macha cherita tu?
Baka Jesus, baka ni kitai ulih nunjukka diri ibuhka orang bukai?

Jesus ngereja pengawa ajih lalu meri makai ngagai beribu iku orang ngena 5 tuku roti enggau 2 iku ikan ti mit. Kereja ajih nya ngasuh pemakai ti mimit nyadi mayuh. Bala murid iya nyadung pemakai ngagai orang lelaki, indu sereta bala anak.

6. Jesus gerah jari

Jesus rindu meri taja pan iya enda kaya. Iya mega meransang kitai meri enggau ati ti gerah. Bacha Surat Kereja Rasul 20:35, lalu kerandauka tanya tu:

Nitihka jaku Jesus, baka ni kitai ulih gaga ati?

Mainka VIDEO, lalu kerandauka tanya tu.

VIDEO: “Gaga Ati Ketegal Ulih Meri”—Begian ke Dipilih (4:00)

Taja pan kitai ukai orang kaya, nama chara bukai kitai ulih meri?

Nemu nuan?

Bup Kudus ngajar kitai besampi ngagai Jehovah ngena nama Jesus. (Bacha John 16:23, 24.) Enti kitai ngereja nya, kitai nunjukka diri beterima kasih enggau utai ti udah digaga Jesus kena nulung kitai nyadi pangan Jehovah.

BISI ORANG MADAH: “Petara enda ibuhka pemerinsa ke ninggang kitai.”