PELAJAR 18
Chara Ngelala Orang Kristian ti Bendar
Di serata dunya, bisi bebiliun iku orang ke madahka diri orang Kristian. Tang utai ti dipechaya enggau standard moral sida amat bebida. Nya alai, baka ni kitai ulih ngelala sapa orang Kristian ti bendar?
1. Nama reti leka jaku Kristian?
Leka jaku Kristian mai reti murid tauka nembiak Jesus Kristus. (Bacha Surat Kereja Rasul 11:26.) Baka ni seseiku orang ulih nunjukka iya amat nembiak Jesus? Ku Jesus madahka: ‘Enti kita bepegai ba jaku aku, kita amat murid aku.’ (John 8:31) Kelimpah ari nya, baka Jesus, orang Kristian ti bendar deka ngena Bup Kudus nyadika pugu pengarap sida.—Bacha Luke 24:27.
2. Baka ni orang Kristian ti bendar ngayanka pengerindu?
Jesus madah ngagai bala nembiak iya: ‘Rinduka pangan diri, baka aku ke udah rinduka kita.’ (John 15:12) Baka ni Jesus nunjukka iya amat rinduka bala murid iya? Jesus ngena awak enggau sida, iya meransang sereta nulung sida, indah sanggup mati ke sida. (1 John 3:16) Baka nya mega, orang Kristian ti bendar ukai semina ngajar orang chara ngayanka pengerindu, tang sida empu ngayanka pengerindu nengah jaku sereta ulah sida.
3. Nama pengawa ke dikenuluka orang Kristian ti bendar?
Jesus ‘ngasuh sida madahka berita pasal Perintah Petara.’ (Luke 9:2) Nembiak Jesus kelia ukai semina nginjil ba rumah sembiang tang sida mega nginjil ba endur orang mayuh sereta ari rumah ke rumah. (Bacha Surat Kereja Rasul 5:42; 17:17.) Kemayaharitu, orang Kristian ti bendar mega nginjil ngagai semua orang ba sebarang alai. Ketegal sida rinduka orang bukai, sida sanggup ngena awak sereta pengering nusui utai ti manah ke bisi ba Bup Kudus.—Mark 12:31.
BELAJAR MAYUH AGI
Peratika utai ti ngasuh orang Kristian ti bendar bebida ari sida ke enda nitihka ajar enggau chunto Jesus.
4. Sida ngiga pemendar ari Bup Kudus
Orang Kristian abad keterubah rinduka Bup Kudus
Ukai semua ke madahka diri Kristian ngumbai pemendar ari Bup Kudus nya berega. Mainka VIDEO, lalu kerandauka tanya tu.
Kati gerija ke ngumbai diri Kristian mujur ngajar utai ti diajar Jesus? Terangka.
Ajar Jesus bepelasarka Bup Kudus. Bacha John 18:37, lalu kerandauka tanya tu:
Nitihka Jesus, baka ni seseiku orang nunjukka diri “besaksika pasal pemendar”?
5. Sida nusui pemendar ari Bup Kudus
Orang Kristian abad keterubah bagas nginjil
Sebedau Jesus niki ke serega, iya meri semua kitai pengawa ti amat beguna. Bacha Matthew 28:19, 20 enggau Surat Kereja Rasul 1:8, lalu kerandauka tanya tu:
Ni penyauh pengawa nginjil patut dipejalaika?
6. Sida nitihka utai ti diajar
Nama utai ke ngasuh Tom pechaya iya udah tetemuka pengarap Kristian ti bendar? Mainka VIDEO, lalu kerandauka tanya tu.
Nama kebuah Tom asa ati enggau pengarap?
Nama utai ke ngasuh iya andal iya udah tetemuka pemendar?
Ulah kitai beguna agi ari jaku kitai. Bacha Matthew 7:21, lalu kerandauka tanya tu:
Ba Jesus, ni bagi ke beguna agi—utai ti dipadah tauka utai ti dikereja kitai?
7. Sida rinduka pangan diri
Orang Kristian abad keterubah rinduka pangan diri
Sida sanggup berambunka nyawa diri ketegal bala menyadi Kristian ke bukai. Mainka VIDEO, lalu kerandauka tanya tu.
Nama kebuah Lloyd sanggup berambunka nyawa diri ketegal Menyadi Johansson?
Ba runding nuan, kati iya nunjukka diri orang Kristian ti bendar?
Bacha John 13:34, 35, lalu kerandauka tanya tu:
Baka ni bala murid Jesus tauka orang Kristian ti bendar ngintu orang ari bansa tauka menua bukai?
Baka ni sida ngayanka pengerindu lebuh bisi perang?
BISI ORANG MADAH: “Mayuh orang Kristian ngereja utai ti jai. Enda patut sida tu pengarap ti bendar.”
Nama ayat Bup Kudus ke ulih dikunsi nuan kena nunjukka chara kitai ulih ngelala orang Kristian ti bendar?
LANSA
Orang Kristian ti bendar nitihka ajar ari Bup Kudus, ngayanka pengerindu ti enda berundingka diri empu sereta nusui pemendar ari Bup Kudus.
Ulang Kaji
Pengarap orang Kristian ti bendar patut bepelasarka nama?
Nama pemanah ke ulih dipeda ba orang Kristian ti bendar?
Nama pengawa ti dikenuluka orang Kristian ti bendar?
ARAM BELAJAR
Kelala meh gerempung ti bebendar nguji nitihka teladan sereta ajar Jesus Kristus.
Peratika utai ti ngasuh seiku indu ke kala nyadi nun (indu sembiang ba gerija) tetemuka “ruang bilik Kristian ti bendar.”
“Sida Ngena Bup Kudus Nyaut Tiap Iti Tanya!” (Menara Jaga, 1 April 2014)
Peratika baka ni orang Kristian ti bendar ngayanka pengerindu ngagai sida ke sama pengarap.
Mantu Bala Sepengarap ke Ditinggang Pengerusak Alam—Begian ke Dipilih (3:57)
Peda baka ni orang Kristian ba abad keterubah enggau kemayaharitu ngayanka diri orang Kristian ti bendar.
“Nama Tanda Orang Kristian ti Bendar?” (Menara Jaga, 1 Mac 2012)