Penerang ke Bup Kereja Pengidup enggau Pengawa Kristian
4-10 FEBRUARI
RETA ARI BUP KUDUS | ROME 1-3
“Terus Ngembuan Ati ti Beresi”
(Rome 2:14, 15) Orang bansa bukai nadai ngembuan Adat; tang tiap kali sida ngereja utai ti diletak Adat, nya nyadika adat sida, taja pen sida nadai ngembuan Adat. 15 Pendiau sida nunjukka utai ti disebut Adat bisi ditulis dalam ati sida. Lalu ati sida ti beresi mega madahka nya; lalu sida charut runding, kadang-kadang ngumbai diri udah ngereja penyalah, lalu kadang-kadang ngumbai diri nadai udah ngereja penyalah.
Baka Ni Nuan Ulih Ngetanka Ati ti Beresi?
6 Kati semina nembiak Jehovah ke bisi penemu ba ati? Peratika jaku rasul Paul: “Orang bansa bukai nadai ngembuan Adat; tang tiap kali sida ngereja utai ti diletak Adat, nya nyadika adat sida, taja pen sida nadai ngembuan Adat. Pendiau sida nunjukka utai ti disebut Adat bisi ditulis dalam ati sida. Lalu ati sida ti beresi mega madahka nya; lalu sida charut runding, kadang-kadang ngumbai diri udah ngereja penyalah, lalu kadang-kadang ngumbai diri nadai udah ngereja penyalah.” (Rome 2:14, 15) Indah orang ke enda nemu ukum Jehovah kekadang diiring penemu ba ati sida nitihka ukum Jehovah.
(Rome 2:15) Pendiau sida nunjukka utai ti disebut Adat bisi ditulis dalam ati sida. Lalu ati sida ti beresi mega madahka nya; lalu sida charut runding, kadang-kadang ngumbai diri udah ngereja penyalah, lalu kadang-kadang ngumbai diri nadai udah ngereja penyalah.
Baka Ni Nuan Ulih Ngetanka Ati ti Beresi?
8 Baka ni nuan ulih ngaga pemutus nitihka penemu ba ati? Sekeda orang nitihka peneka ati maya ngaga pemutus. Sida engka ngumbai, “Tu enda ngachau aku.” Pengingin ati ulih ngachau penemu ba ati. Ku Bup Kudus: “Sapa nemu ati mensia? Nadai utai ti nemu agi ngakal ari ati mensia. Iya kelalu balat sakit lalu enda ulih digeraika.” (Jeremiah 17:9) Enti pia, utai ti dikingin ati enda patut dikemeratka maya ngaga pemutus. Tang, kitai patut ngemeratka utai ti ngerinduka ati Petara Jehovah.
9 Enti pemutus digaga nitihka penemu ba ati ke udah dilatih, nya nunjukka kitai nangika Petara, ukai nitihka pengingin ati diri empu. Chunto, Nehemiah bisi kuasa minta penyampau chukai ti patut dibayar orang ba Jerusalem. Tang, iya enda ngereja nya. Nama kebuah? Iya enggai ngenusahka nembiak Jehovah enggau ngasuh Iya enda lantang ati. Ku Nehemiah: ‘Aku enda baka nya, laban aku nangika Petara.’ (Nehemiah 5:15) Kitai patut nangika Apai ti di serega. Tu meransang kitai ngiga iring ari Bup Kudus maya ngaga pemutus.
Ngulihka Penemu Bup Kudus ti Berega
(Rome 3:4) Enda! Taja pen semua mensia bula, tang Petara enda bula, munyi ti ditulis, “Ngambika Nuan ditemu lurus lebuh Nuan bejaku, lalu menang lebuh Nuan diakim.”
w08 15/6 30 ¶5
Penerang ari Bup Rome
3:4. Lebuh jaku mensia enda sebaka enggau jaku Petara dalam Bup Kudus, kitai andalka pesan dalam Bup Kudus lalu nitihka peneka Petara. Tu ketegal Petara “enda bula.” Nya alai kitai ransing nginjil enggau ngajar orang, ngambika ulih nulung orang ngelala Petara ti bendar.
(Rome 3:24, 25) Diatu sida digaga lurus ulih pengasih ti diberi Iya pechuma, lebuh sida ditebus Jesus Kristus. 25 Petara nyerahka iya nyadika genselan kena muai dosa, ulih darah iya, ti diterima ngena pengarap. Petara ngereja nya kena Iya mandangka pengelurus Iya, laban ulih pengeliat ati Iya, Iya enda ngukum dosa ti udah dikereja dulu ari nya.
w08 15/6 29 ¶6
Penerang ari Bup Rome
3:24, 25—Baka ni dosa ti udah dikereja dulu suba dibayar ngena tebus Jesus Kristus? Utai ke dipadah pasal Messiah ba Pemungkal 3:15, nyadi maya Jesus dibunuh ba tiang perinsa. Tu nyadi ba taun 33 M. (Gal. 3:13, 16) Lebuh Jehovah madahka pasal tu, tebus bakaka udah dibayar. Tu ketegal nadai utai ke ulih nagang Petara ari ngamatka tuju Iya. Jehovah ulih ngampun dosa peturun Adam ti arapka semaya nya, taja pan tebus Jesus bedau diberi maya nya. Ari tebus nya, nembiak Jehovah ke diau sebedau jeman Kristian deka diangkatka idup baru.—SKR. 24:15.
Macha Bup Kudus
(Rome 1:1-17) Surat ari Paul, ulun Jesus Kristus, ke dikangauka nyadi rasul, lalu dipilih nusui Berita Manah Petara, 2 ti udah disemaya Petara dulu kelia nengah sida nabi Iya, dalam Bup Kudus, 3 iya nya Berita Manah pasal Anak Iya, ke ada nyadi mensia ari peturun David; 4 lalu dikumbai Anak Petara ulih roh pengudus, laban pengangkat Jesus Kristus Tuan kitai ari mati. 5 Ulih iya, Petara udah meri kami pengasih enggau pengawa nyadi rasul mai semua orang bansa bukai arap sereta ngasika nama Iya, 6 nyengkaum kita ke dikangauka nyadi nembiak Jesus Kristus. 7 Ngagai semua kita ke dikerinduka Petara di Rome, ke udah dikangauka nyadi nembiak Tuhan: Awakka Petara ti Apai kitai enggau Tuan Jesus Kristus meri kita pengasih enggau pemaik. 8 Tang aku enda tau enda dulu meri terima kasih ngagai Petara aku dalam nama Jesus Kristus, ke semua bala kita, laban pengarap kita benung ditusui di serata dunya. 9 Laban Petara, ke dipetuaika aku enggau pengabis ati aku lebuh aku nusui Berita Manah pasal Anak Iya, nemu aku endang enda ngetu ingatka kita dalam sampi aku, 10 minta Petara, ari peneka Iya Empu, ngasuh aku ulih nemuai ngagai kita, 11 laban aku balat lelengauka kita, ngambika aku ulih bekunsika berekat roh enggau kita, kena ngeringka kita. 12 Utai ti ku aku nya, ngambika kitai sama diperansang ulih pengarap pangan diri, iya nya pengarap kita, enggau pengarap aku. 13 Aku dekaka kita nemu, menyadi, aku suah udah deka nemuai ngagai kita ngambika aku ulih mai orang ari bala kita arap, baka ti udah dikereja aku ba orang bansa bukai. Tang aku seruran bisi utai nanggul. 14 Aku bisi tanggungjawap atas semua orang, orang ke udah mansang, enggau orang ke apin mansang, orang ke bisi pelajar, enggau orang ke nadai pelajar. 15 Nya kebuah aku keran mega deka nusui Berita Manah ngagai kita ke diau di Rome. 16 Laban aku enda malu ke Berita Manah, laban nya kuasa Petara kena nyelamatka genap iku orang ke arap, keterubah orang Judah, lalu mega orang bansa bukai. 17 Laban Berita Manah mandangka chara Petara ngasuh orang bebaik enggau Iya, iya nya nengah pengarap kenyau ari pun datai ke ujung. Munyi ti ditulis, “Orang ke lurus deka idup ngena pengarap.”
11-17 FEBRUARI
RETA ARI BUP KUDUS | ROME 4-6
“Petara Udah Ngayanka Pengerindu Iya ke Kitai”
(Rome 5:8) Tang Petara udah ngayanka pengerindu Iya ke kitai, iya nya lebuh kitai agi nyadi orang ke bedosa, Kristus mati ngarika kitai!
(Rome 5:12) Nya alai, baka dosa ti datai ngagai dunya nengah orang siku, lalu pemati datai laban dosa, nya alai pemati ngelekai ngagai semua mensia, laban semua bela udah bedosa.
w11 15/6 12 ¶5
Petara Udah Ngayanka Pengerindu Iya ke Kitai
5 Ku Paul nerangka pekara tu, “Baka dosa ti datai ngagai dunya nengah orang siku, lalu pemati datai laban dosa, nya alai pemati ngelekai ngagai semua mensia, laban semua bela udah bedosa.” (Rom. 5:12) Kitai meretika ayat tu laban Petara bisi madahka baka ni pengidup mensia berengkah. Jehovah ngaga mensia keterubah, iya nya Adam enggau Hawa. Penempa kitai sempurna. Mensia keterubah pan sempurna. Petara meri Adam enggau Hawa siti jaku tangkan. Enti seduai iya enda ngasi, tu deka ngujungka pemati. (P-kal. 2:17) Taja pia, seduai milih enda ngasika Petara. Pemutus tu nunjukka seduai iya nulak Jehovah, ke bisi hak merintah sereta netapka ukum.—U-dat. 32:4, 5.
(Rome 5:13, 14) Iya ti bendar, dosa endang udah bisi di dunya sebedau Adat diberi, tang dosa nadai kena itung laban Adat apin bisi. 14 Tang taja pia, pemati endang udah merintah kenyau ari Adam nyentuk ngagai maya Moses, nyengkaum orang ke bempu dosa ti enda sebaka enggau penyalah Adam, ti ngambarka gaya orang siku ke deka datai.
w11 15/6 12 ¶6
Petara Udah Ngayanka Pengerindu Iya ke Kitai
6 Adam bisi anak pengudah iya bedosa. Lalu dosa iya ngelekai ngagai semua peturun iya. Taja pan sida enda ngereja penyalah baka Adam, tang semua peturun Adam tetap ngembuan dosa. (P-kal. 2:17) Nya alai, dosa enggau pemati endang udah bisi berengkah ari jeman Adam. Lebuh Petara meri Adat Moses ngagai bansa Israel, Adat tu enggau terang madahka sida endang udah bisi dosa. (Bacha Rome 5:13, 14.) Dosa ke ngelekai ulih disema baka penyakit sengak tauka asma, ke ulih datai ari peturun. Kekadang, sekeda anak enda bulih penyakit tu, tang sida engka meri penyakit tu ngagai anak sida ila. Tang dosa ari Adam enda ulih diseliahka. Semua mensia bisi dosa. Kati dosa tu ulih dibuai?
(Rome 5:18) Nya alai, baka dosa orang siku ti mai ukum ngagai semua mensia, baka nya mega pengawa ti lurus ti dikereja orang siku deka mai pengelurus enggau pengidup ngagai semua mensia.
(Rome 5:21) ngambika, baka dosa ti merintah ngena pemati, baka nya mega pengasih merintah ngena pengelurus lalu mai ngagai pengidup ti meruan belama iya, ulih Jesus Kristus Tuan kitai.
w11 15/6 13 ¶9-10
Petara Udah Ngayanka Pengerindu Iya ke Kitai
9 Nama reti rambai jaku “mai pengelurus” dalam jaku Gerika? Seiku penyalin Bup Kudus madahka rambai jaku tu ulih disempama baka utai ke nyadi dalam kot. Dalam sempama tu, Petara nya hakim ti ngaga pemutus. Iya mutuska deka ngelepaska orang ke ngereja penyalah. Tu ulih nulung kitai nemu baka ni Petara mai pengelurus ba seseiku orang. Nya alai, rambai jaku tu ngambarka ubah ba kaul seseiku orang enggau Petara, ukai ubah ari diri iya empu.
10 Nama kebuah “Hakim ke ngakim semua dunya” ulih ngelepaska orang ke ngereja penyalah? (P-kal. 18:25) Tu ketegal tebus ke diberi Anak Tunggal Iya, Jesus. Petara nunjukka pengerindu lebuh Iya nganjung Jesus ke dunya. Taja pan Jesus diuji, dikelese sereta diperinsa, tang iya ngereja peneka Apai iya enggau badas. Iya tetap ati nyentukka pemati iya ba tiang perinsa. (Heb. 2:10) Lebuh iya meri tubuh mensia iya ti sempurna nyadika tebus, Jesus muka jalai ngelepaska peturun Adam ari dosa enggau pemati.—Mat. 20:28; Rom. 5:6-8.
Ngulihka Penemu Bup Kudus ti Berega
(Rome 6:3-5) Kati kita enda nemu, semua kitai ke udah dibaptisa ke dalam Jesus Kristus, udah mega dibaptisa ke dalam pemati iya? 4 Nya alai, kitai udah dikuburka sama enggau iya laban kitai udah dibaptisa ke dalam pemati iya, ngambika baka Kristus ke diangkatka ari pemati ulih mulia Apai, baka nya mega kitai deka idup dalam pengidup ti baru. 5 Laban enti kitai udah begempung enggau iya dalam pemati iya, kitai tetap mega deka begempung enggau iya dalam pengangkat iya ari mati.
w08 15/6 29 ¶7
Penerang ari Bup Rome
6:3-5—Nama reti baptisa “ke dalam Jesus Kristus” enggau baptisa ‘ke dalam pemati iya’? Baptisa ke dalam Jesus Kristus nyadi lebuh Jehovah meri roh kudus ngagai murid Jesus. Lebuh tu nyadi, sida beserakup enggau Jesus lalu nyadi seiku ari raban eklisia. Eklisia disemaka baka tubuh Kristus, lalu Kristus nya Kepala Eklisia. (1 Kor. 12:12, 13, 27; Kol. 1:18) Orang Kristian ke bisi pengadang ngagai serega mega dibaptisa “ke dalam pemati [Kristus].” Reti iya, sida ngelengkaka pengingin diri empu sereta ngelengkaka peluang idup belama iya ba dunya. Baptisa ke dalam pemati Kristus tembu lebuh sida mati lalu diangkatka idup baru di serega.
(Rome 6:7) Laban barang sapa mati, dilepaska ari dosa.
w14 1/6 11 ¶1
Nama Pengadang ke Orang Kelia Menya?
Kati orang ke enda lurus, tauka orang ke bedau nemu pemendar deka diakim nitihka penyalah ke digaga sida suba, lebuh diangkatka idup baru? Enda. Rome 6:7 madahka: “Laban barang sapa mati, dilepaska ari dosa.” Reti nya, orang ke enda lurus udah mayar dosa sida ngena pemati. Nya alai, sida deka diakim nitihka utai ke digaga pengudah sida diangkatka idup baru. Sida enda diakim nitihka utai ke digaga sebedau sida nemu peneka Petara. Nama penguntung ke deka diulih sida?
Macha Bup Kudus
(Rome 4:1-15) Enti pia, baka ni ku kitai bejakuka pasal Abraham ke nurunka bansa kitai? 2 Laban enti Abraham udah digaga lurus ulih pengawa ti dikereja iya, iya bisi utai ti tau dikemegahka iya, tang ukai di mua Petara. 3 Laban nama utai ti disebut Bup Kudus? ‘Abraham arapka Petara, lalu ketegal nya, Petara ngumbai iya lurus.’ 4 Ba orang ke bekereja, gaji ukai dikumbai pemeri, tang upah. 5 Tang orang ke enda ngereja pengawa, tang manggaika pengarap iya ba Petara ke ngaga orang ke jai nyadi lurus, orang nya deka dikumbai lurus ketegal pengarap iya. 6 Nya meh gaya utai ti disebut David lebuh iya merekatka orang ke dikumbai Petara lurus, enda ngira utai ti dikereja orang nya. Ku iya, 7 “Beberekat meh orang ke udah diampun ari penyalah sida, lalu dosa sida dilamun. 8 Beberekat meh orang ke bempu dosa ti enda dikingatka Tuhan!” 9 Kati berekat nya semina diberi ngagai orang ke udah ditutus, tauka diberi mega ngagai orang ke enda ditutus? Kami udah madahka Abraham dikumbai lurus ketegal pengarap iya. 10 Kemaya Abraham dikumbai lurus? Sebedau tauka udah bekau iya ditutus? Iya dikumbai lurus ukai lebuh iya udah ditutus, tang sebedau iya ditutus. 11 Iya ditutus dudi agi ari nya, lalu tutus nya kena nanggam pengelurus iya ketegal pengarap iya lebuh iya apin ditutus. Nya alai Abraham nyadika apai semua orang ke arap, ke dikumbai Petara lurus ketegal pengarap, taja pen sida enda ditutus. 12 Lalu Abraham mega nyadi apai ke orang ke ditutus, ke ukai semina ditutus aja, tang idup neladan pengarap ti dikembuan apai kitai Abraham sebedau iya ditutus. 13 Laban semaya ti madahka Abraham deka bempu dunya ukai datai ngagai iya tauka ngagai peturun iya ulih Adat, tang ulih pengelurus ti datai ulih pengarap. 14 Laban enti waris nya diberi ngagai orang ke nitihka Adat, reti nya, pengarap nadai reti, lalu semaya nya mega nadai guna. 15 Laban Adat mai pengeringat Petara. Tang enti Adat nadai, penyalah mega nadai.
18-24 FEBRUARI
RETA ARI BUP KUDUS | ROME 7-8
“Kati Nuan Keran Nganti?”
(Rome 8:19) Laban semua utai ti udah digaga Petara endang balat lelengau nganti Petara mandangka bala anak Iya,
w12 15/7 11 ¶17
Titihka Iring Jehovah Ngambika Bulih Pengelepas
17 Lebuh berandauka pasal pengelepas ke deka diberi Jehovah ngagai nembiak Iya, Paul nulis: ‘Laban semua utai ti udah digaga Petara endang balat lelengau nganti Petara mandangka bala anak Iya.’ Udah nya iya nampung: ‘Semua utai ti udah digaga Petara dilepaska ari tubuh sida ti nemu buruk, lalu bulih pengelepas ti bemulia ti endang enggi bala anak Petara.’ (Rom. 8:19-21) “Utai ti udah digaga” ditujuka ngagai mensia ke bisi pengadang idup belama iya ba dunya. Sida deka bulih penguntung lebuh Petara “mandangka” bala anak Iya, iya nya sida ke dipilih merintah ba serega. Jehovah deka mandangka “bala anak” Iya lebuh sida enggau Jesus ngemunaska penyai lalu nyelamatka “mayuh amat orang” ke udah pansut ari penusah ti besai.—Pem. 7:9, 14.
(Rome 8:20, Berita Manah Ka Rebak Diatu) Laban utai ti digaga di dunya tu diukum nyadi nadai guna, ukai ketegal peneka iya empu, tang ketegal peneka Petara. Tang tu meh pengadang nya,
w12 15/3 23 ¶11
Gaga Ati ke Pengadang Kitai
11 Jehovah meri “pengadang” ngagai mensia lebuh Iya besemaya deka ngelepaska sida ari “ular ti tuai,” iya nya Antu Sitan. Iya deka ngereja nya nengah Anak Iya, Jesus Kristus. (Pem. 12:9; P-kal. 3:15; Gal. 3:16) Mensia ulih dilepaska ari dosa enggau pemati ngena tebus Jesus. Ketegal nya, Petara ulih “mandangka bala anak Iya.” Sida mega sebagi ari “Anak” ke disebut ba semaya nya. Sida deka dipandangka lebuh sida enggau Jesus ngemunaska dunya Sitan ti jai. (Pem. 2:26, 27) Enggau tu, nembiak Petara deka selamat ari penusah ti besai.—Pem. 7:9, 10, 14.
(Rome 8:21) semua utai ti udah digaga Petara dilepaska ari tubuh sida ti nemu buruk, lalu bulih pengelepas ti bemulia ti endang enggi bala anak Petara.
w12 15/3 23 ¶12
Gaga Ati ke Pengadang Kitai
12 Naka meh pemanah ke deka diasai mensia dalam timpuh Seribu Taun Kristus Merintah! Maya nya, “bala anak” Petara deka terus dipandangka. Sida deka nyadi imam enggau Kristus lalu meri berekat ngagai mensia nengah tebus Jesus. Mensia deka “dilepaska ari tubuh sida ti nemu buruk”, iya nya dilepaska ari dosa enggau pemati. Enti sida mengkang tetap ati ngagai Jehovah sepemanjai timpuh seribu taun, sereta ba penguji ti penudi pengujung timpuh nya, nama sida deka ditulis ba “bup pengidup.” Sida deka bulih “pengelepas ti bemulia ti endang enggi bala anak Petara.” (Pem. 20:7, 8, 11, 12) Naka meh pemanah pengadang tu!
Ngulihka Penemu Bup Kudus ti Berega
(Rome 8:6) Runding ti ditumpuka ngagai peneka mensia, nuju ngagai pemati, tang runding ti ditumpuka ngagai peneka roh kudus, nuju ngagai pengidup enggau pemaik.
‘Runding Nuan ti Ditumpuka Ngagai Peneka Roh Kudus, Nuju Ngagai Pengidup enggau Pemaik’
10 Nama reti rambai jaku “runding ti ditumpuka ngagai” ke disebut Paul? Leka jaku Gerika ke dikena Paul nya reti iya orang numpuka semua runding enggau pelan iya ngagai sebengkah utai. Seiku pakar nerangka, rambai jaku nya dituju ngagai orang ke “balat rinduka, seruran bejaku pasal” sereta balat betumpu ngagai pengingin sida ti berundingka diri empu aja. Sida ngelakka pengingin ke baka nya bekuasa atas pengidup sida.
12 Paul nangkan: “Runding ti ditumpuka ngagai peneka mensia, nuju ngagai pemati.” (Rom. 8:6) Nama reti utai ku iya tu? Enti kitai idup “nitihka peneka mensia,” kitai lenyau kaul enggau Jehovah diatu sereta lenyau pengidup ke jemah ila. Tang tu enda patut nyadi. Orang ulih berubah. Agi nuan ingatka lelaki ke ngereja ulah ti kamah ba Korint ke udah dibuai ari gerempung? Iya berubah lalu badu nitihka pengingin iya ti kamah. Sekali agi, iya nyembah Jehovah enggau chara ti tuchi.—2 Kor. 2:6-8.
17 Baka ni gaya pengidup kitai enti kitai betumpu ba sembah ngagai Jehovah? Rome 8:6 madahka: ‘Runding ti ditumpuka ngagai peneka roh kudus, nuju ngagai pengidup enggau pemaik.’ Ngereja nya nyengkaum ngawakka runding kitai ti diiring roh kudus Jehovah sereta belajar berunding baka Iya. Jehovah besemaya deka meri pengidup ti lantang sereta ngemuaska ati ngagai kitai diatu sereta pengidup ti meruan belama iya ke jemah ila.
(Rome 8:26, 27) Baka nya meh chara roh kudus nulung kitai lebuh kitai lemi. Kitai enda nemu chara kitai patut besampi, tang roh kudus minta ngagai Petara ngarika kitai ngena demuh ti enda ulih ditelah. 27 Lalu Petara, ke mansik ati kitai, nemu runding roh kudus, laban roh kudus minta ngarika nembiak Tuhan nitihka peneka Petara.
w09 15/11 7 ¶20
Kati Sampi Nuan Nunjukka Nuan Bisi Kaul ti Rapat enggau Petara?
20 Kadang-kadang kitai engka enda nemu utai ke patut disebut dalam sampi. Ku Paul: ‘Kitai enda nemu chara kitai patut besampi, tang roh kudus minta ngagai Petara ngarika kitai ngena demuh ti enda ulih ditelah. Lalu Petara, ke mansik ati kitai, nemu runding roh kudus.’ (Rom. 8:26, 27) Ba maya nya, taja pan kitai nadai tetemuka jaku ti ulih ngambarka penusah dalam ati, kitai nerima tulung ari roh kudus. Lebuh roh kudus “minta” ngarika kitai, Jehovah deka nyaut sampi nya. Jehovah mega nentuka mayuh sampi ditulis ba Bup Kudus. Asai ati kitai nya engka sebaka enggau sampi ke bisi ba Bup Kudus. Laban Petara ngelala kitai, Iya nemu ni bagi sampi ti ngena enggau asai ati kitai maya nya lalu nyaut sampi nya. Seraya kitai nemu Bup Kudus enggau manah agi, kitai senang agi nemu utai ke patut disampika kitai.
Macha Bup Kudus
(Rome 7:13-25) Enti pia, kati utai ti badas mai pemati ngagai aku? Enda! Dosa ti mai pemati ngagai aku, ngena utai ti badas, ngambika dosa dipandangka endang amat dosa, lalu ulih pesan, dosa nya dipandangka amat utai ti pemadu jai. 14 Laban kitai nemu, Adat endang asal ari roh Petara, tang asal aku ari mensia ke dijual nyadika ulun dosa. 15 Aku enda nemu utai ti dikereja diri, laban aku enda ngereja utai ti dikedekaka aku, tang ngereja utai ti dipegedika aku. 16 Nyadi enti aku ngereja utai ti dikenggaika aku, reti nya aku besetuju ngumbai Adat nya badas. 17 Nya alai, ukai aku ke ngereja utai nya, tang dosa ti diau dalam aku. 18 Laban aku nemu, nadai utai ti badas diau dalam aku, reti nya, dalam tubuh aku. Aku keran deka ngereja utai ti ngena, tang aku enda ulih ngereja utai nya. 19 Laban aku ukai ngereja utai ti badas ti dikedekaka aku, tang ngereja utai ti jai ti dikenggaika aku. 20 Enti aku ngereja utai ti dikenggaika aku, ukai aku ke ngereja utai nya, tang dosa ti diau dalam aku. 21 Nya alai, aku nemu, tu amat adat ba aku: lebuh aku deka ngereja utai ti badas, aku lalu milih penyai. 22 Laban dalam ati aku, aku endang rinduka adat Petara, 23 tang aku meda dalam tubuh aku, adat bukai beperang ngelaban Adat ti dalam ati aku lalu nanchang aku ngena adat dosa, ti diau dalam tubuh aku. 24 Naka meh penusah aku tu! Sapa deka ngelepaska aku ari tubuh tu ti mai aku ngagai pemati? 25 Aku meri terima kasih ngagai Petara ulih Jesus Kristus Tuan kitai! Nya alai, ngena runding aku, aku nyadi ulun adat Petara, tang ngena tubuh aku, aku nyadi ulun adat dosa.
25 FEBRUARI–3 MAC
RETA ARI BUP KUDUS | ROME 9-11
“Sempama Pasal Pun Kayu Kana”
(Rome 11:16) Enti roti ti keterubah nya kudus, semua tuku roti nya mega kudus. Lalu enti urat kayu nya kudus, dan kayu nya mega kudus.
w11 15/5 23 ¶13
‘Naka Meh Penalam Penemu Petara!’
13 Pun kayu kana ngambarka tuju Petara ke udah dikeamatka bekaul enggau sempekat ke digaga Iya enggau Abraham. Urat kayu nya kudus lalu ngambarka Jehovah ke ulih meri pengidup ngagai sida ke dipilih ke serega. (Isa. 10:20; Rom. 11:16) Batang kayu nya ngambarka Jesus, begian ti keterubah ke datai ari peturun Abraham. Rasul Paul nyemaka sida ke nyadi peturun Abraham ngagai dan kayu kana. (Rom. 11:21) Dan kayu kana ngambarka 144,000 iku orang ke dipilih nyadi begian ti kedua, ke disengkaum ba peturun Abraham.
(Rome 11:17) Tang enti sekeda dan kayu kana nya ditetak, lalu kita ke dan kayu kana ti tumbuh-diri dalam babas, dikawinka ngagai batang kana nya, ba endur alai dan nya, lalu bulih pengidup ari kayu nya,
(Rome 11:20, 21) Nya amat. Sida udah dibuai laban sida enda arap, tang kita mengkang ba endur kita, laban kita arap. Nya alai anang sumbung ketegal nya, tang semina nangi aja. 21 Laban enti Petara enda ngalau dan ti asal, Iya pen enda mega ngalau kita.
w11 15/5 24 ¶15
‘Naka Meh Penalam Penemu Petara!’
15 Nama digaga Jehovah kena ngamatka tuju Iya? Paul nerangka, kena nganti dan kayu kana ti udah ditetak, dan ari kayu kana ti tumbuh dalam babas dikawinka ngagai kayu kana nya. (Bacha Rome 11:17, 18.) Orang Kristian ke dipilih ari mayuh bansa, baka dan kayu kana ti tumbuh dalam babas. Sida nadai begian dalam sempekat Abraham. Tang Jehovah muka jalai ke sida lebuh sida dikawinka ngagai dan kayu kana. Ketegal nya, sida ulih nyadi peturun Abraham.—Rom. 2:28, 29.
(Rome 11:25, 26) Aku enggai ke kita enda nemu misteri tu, menyadi, ngambika kita enda sumbung: sekeda orang Israel deka mengkang kieh datai ke semua orang bansa bukai udah sampal magang datai ngagai Petara. 26 Nya alai semua orang Israel deka diselamatka magang, munyi ti udah ditulis, “Juruselamat deka datai ari Sion Iya deka muai semua penyai ari peturun Jakop.
w11 15/5 25 ¶19
‘Naka Meh Penalam Penemu Petara!’
19 Amat, tuju Petara bekaul enggau ‘orang Israel ke nembiak Petara’ benung dikeamatka enggau chara ti ngalitka ati. (Gal. 6:16) Paul madahka “semua orang Israel deka diselamatka.” (Rom. 11:26) Ba maya ti udah ditetapka Jehovah, “semua orang Israel,” iya nya 144,000 iku orang, deka nyadi raja enggau imam ba serega. Nadai utai ulih nagang tuju Petara ari dikeamatka!
Ngulihka Penemu Bup Kudus ti Berega
(Rome 9:21-23) Kati tukang periuk nadai kuasa atas tanah liat, lalu ngaga ari tanah liat nya sigi periuk ti dikena lebuh maya rami, lalu sigi dikena tiap hari? 22 Kati enti Petara, ke lama udah sabar enggau utai ti digaga Iya, deka mandangka pengeringat Iya lalu ngayanka kuasa Iya, ngagai utai ti nyungkak Iya ringat, ti deka dirusak Iya? 23 Lalu kati enti Iya ngereja nya kena Iya mandangka pemesai mulia Iya ngagai orang ke dikasihka Iya, ke udah disediaka Iya nerima mulia ari Iya,
w13 15/6 25 ¶5
Tejuka Jehovah Disiplin Nuan
5 Baka ni enti mensia enggai ninga sereta nulak disiplin ari Jehovah? Baka ni Jehovah ngena kuasa Iya? Perundingka enti tanah liat enda ulih dikena ngaga utai ti dikinginka tukang periuk. Iya ulih ngena tanah liat nya ngaga utai bukai tauka muai tanah nya! Enti tanah liat nya enda ulih dikena, tu salah tukang periuk nya. Tang Jehovah enda baka nya. (U-dat. 32:4) Lebuh orang nulak disiplin ari Jehovah, tu ukai salah Jehovah. Baka seiku tukang periuk, Jehovah ngena kuasa Iya nitihka chara seseiku orang nerima disiplin. Orang ke enda nulak disiplin ari Iya deka bulih penguntung. Ambika chunto, orang Kristian ke dipilih ke serega nya “orang ke dikasihka Iya.” Sida nerima disiplin ngambika ulih nyadi orang ti berega ba mata Jehovah. Tang orang ke nulak disiplin ari Petara deka nyadi “utai ti nyungkak Iya ringat, ti deka dirusak Iya.”—Rom. 9:19-23.
(Rome 10:2) Aku berani besaksi madahka sida balat angkunka Petara, tang pengangkun sida ke Iya ukai beduduk ba penemu ti bendar,
it-1 1260 ¶2
Pengeransing
Pengeransing ti salah. Seseiku engka ngumbai diri bisi pengeransing ba siti pekara tang pengeransing tu enda ngerinduka ati Petara. Nya meh utai ti nyadi ba orang Judah maya abad keterubah. Sida ngumbai diri lurus laban sida nitihka Adat Moses. Tang Paul madahka pengeransing sida salah tuju laban nadai penemu ti bendar. Nya alai sida enda bulih pengelurus ari Petara. Ngambika sida ulih digaga lurus sereta bulih pengelepas, sida patut ngaku penyalah diri lalu pulai baru ngagai Petara nengah Jesus Kristus. (Rom. 10:1-10) Tu baka Saul ari Tarsus. Iya amat ransing ba pengarap orang Judah nyentukka iya ‘merinsaka lalu nguji ngerusak eklisia Petara.’ Iya bebendar nitihka Adat baka orang ke ‘nadai penyalah.’ (Gal. 1:13, 14; Plp. 3:6) Tang pengeransing iya ke pengarap nya salah tuju. Taja pia, iya bisi ati ti manah. Nya alai, Jehovah nunjukka pengasih ngagai iya nengah Kristus ngambika ulih nemu sembah ti bendar.—1 Tim. 1:12, 13.
Macha Bup Kudus
(Rome 10:1-15) Menyadi, utai ti dikinginka ati aku, enggau sampi aku ngagai Petara ke sida, iya nya, minta sida diselamatka. 2 Aku berani besaksi madahka sida balat angkunka Petara, tang pengangkun sida ke Iya ukai beduduk ba penemu ti bendar, 3 laban sida enda nemu pengelurus ti datai ari Petara. Nya alai sida numbuhka penemu ke diri empu lalu enda nunduk ngagai pengelurus Petara. 4 Laban Kristus mai pengujung ngagai Adat, ngambika genap iku orang digaga lurus ulih pengarap sida ke Iya. 5 Moses bisi nuliska pasal pengelurus ti datai ari Adat, ku iya, “Orang ke ngiga pengelurus beduduk ba Adat, enda tau enda idup nitihka Adat.” 6 Tang pengelurus ti datai ari pengarap madah: “Anang nyebut dalam ati kita, ‘Sapa deka niki ke serega?’ (reti nya, mai Kristus nurun). 7 Tauka ‘Sapa deka nurun ngagai dunya ti di baruh?’ (reti nya, ngangkatka Kristus ari mati).” 8 Utai ti disebut Bup Kudus nya munyi tu: “Jaku nya semak kita, ba mulut kita enggau dalam ati kita.” Nya meh pesan pengarap ti dipadahka kami, 9 laban enti kita ngaku ngena mulut kita Jesus nya Tuan, lalu dalam ati kita arapka Petara udah ngangkatka Iya ari mati, kita deka diselamatka. 10 Laban kita arap ngena ati kita, lalu digaga lurus, lalu kita ngaku ngena mulut kita, lalu diselamatka. 11 Munyi ti disebut Bup Kudus, “Orang ke arapka Iya sigi enda asa ngapa.” 12 Laban orang Judah enggau orang bansa bukai sigi nadai bida ari pangan diri; Tuhan siku nya aja ke nyadi Tuhan ke semua mensia, lalu Iya gerah mudah meri berekat ngagai semua orang ke ngangauka Iya. 13 Laban, “Genap iku orang ke ngangauka nama Tuhan, deka diselamatka.” 14 Tang baka ni ku orang ulih ngangauka Iya, enti sida apin arap? Lalu baka ni ku sida ulih arapka Iya, enti sida apin ninga pasal Iya? Lalu baka ni ku sida ulih ninga, enti orang nadai madahka pasal Iya ngagai sida? 15 Lalu baka ni ku orang ulih madahka pasal Iya, enti orang nya enda diasuh? Munyi ti ditulis, “Naka meh pemanah kaki orang ke nusui Berita Manah!”