-
Kati Nuan Udah Sedia Dibaptisa?Idup enggau Lantang Belama Iya!—Bulih Penguntung ari Belajarka Bup Kudus
-
-
3. Nama kebuah asai ati ti takut enda patut nagang nuan ari dibaptisa?
Sekeda orang takut sida enda ulih ngereja utai ti udah disemaya sida enggau Jehovah. Kebendar iya, nembiak Petara maya jeman suba kala ngaga penyalah. Tang Jehovah agi sayauka sida. Iya enda ngarapka kitai sempurna. (Bacha Masmur 103:13, 14.) Iya amat gaga ati lebuh meda kitai bebendar meri utai ti pemadu manah ngagai Iya! Lalu Iya besemaya deka nulung kitai. Bup Kudus madahka, ‘Nadai utai ke ulih nyeraraka kitai ari pengerindu Petara.’—Bacha Rome 8:38, 39.
-
-
Nuan Ulih Tan Napi PerinsaIdup enggau Lantang Belama Iya!—Bulih Penguntung ari Belajarka Bup Kudus
-
-
Ketegal kitai nyadi orang Kristian, semua kitai tentu deka napi perinsa. Kati tu ngasuh kitai tekenyit?
1. Nama kebuah kitai nemu diri deka diperinsa?
Bup Kudus madah: ‘Semua orang ke keran deka diau kudus dalam Jesus Kristus, deka kena perinsa magang.’ (2 Timoti 3:12) Lebuh Jesus ba dunya, iya diperinsa laban iya ukai sebagi ari dunya. Baka Jesus, kitai mega ukai sebagi ari dunya. Nya alai, kitai enda tekenyit lebuh piak perintah tauka pengarap bukai merinsa kitai.—John 15:18, 19.
2. Baka ni kitai ulih besedia napi perinsa?
Berengkah ari diatu, kitai patut negapka agi pengarap kitai ngagai Jehovah. Nama chara iya? Ninting hari kitai patut besampi ngagai Jehovah sereta macha Bup Kudus. Kitai mega patut datai begempuru enggau tetap. Semua tu deka meri kitai pemerani kena napi perinsa. Indah lebuh disakal diri sebilik, kitai ulih mengkang tegap. Rasul Paul mujur napi mayuh macham sakal, lalu iya madah: ‘Jehovah endang penyaup aku, nya alai aku enda takut.’—Hebrew 13:6.
Kelimpah ari nya, kitai ulih ngemansangka agi pemerani kitai enggau ransing ngereja pengawa nginjil. Pengawa nginjil ngajar kitai ngambika arapka Jehovah sereta mutarka asai ati ti takut ngagai mensia. (Jaku Dalam 29:25) Enti kitai ngereja pengawa nginjil enggau berani diatu, kitai tentu enda ngetu taja pan pengawa kitai ditagang piak perintah.—1 Tesalonika 2:2.
3. Nama penguntung iya enti kitai tan napi perinsa?
Amat, semua kitai enda rindu diperinsa. Tang lebuh kitai mujur napi perinsa, pengarap kitai deka tegap agi. Kitai deka majak semak agi ngagai Jehovah laban kitai ngasaika tulung ari Iya lebuh kitai ngumbai diri enda ulih tan agi. (Bacha James 1:2-4.) Taja pan Jehovah pedis ati meda kitai merinsa, tang Iya gaga ati lebuh meda kitai tan napi perinsa nya. Bup Kudus madahka: ‘Enti kita natka diri kena perinsa ketegal kita ngereja utai ti ngena, Petara deka merekatka kita.’ (1 Peter 2:20) Enti kitai mengkang tetap ati, Jehovah deka meri kitai pengidup ti meruan belama iya ba dunya ti baru. Semua orang ke diau dia deka nyembah Jehovah lalu nadai agi orang deka nyakal sida.—Matthew 24:13.
BELAJAR MAYUH AGI
Peratika baka ni kitai ulih napi perinsa sereta berekat ke diulih enti kitai mengkang taluk ngagai Jehovah.
4. Nuan ulih tan napi sakal ari diri sebilik
Jesus madahka, diri sebilik kitai engka enda nyukung pemutus kitai ke deka nyembah Jehovah. Bacha Matthew 10:34-36, lalu kerandauka tanya tu:
Nama engka nyadi lebuh seseiku orang deka nyembah Jehovah?
Mainka VIDEO, kena meda siti chunto, lalu kerandauka tanya tu.
Nama deka digaga nuan enti kaban belayan tauka bakih ngasuh nuan ngetu nyembah Jehovah?
Bacha Masmur 27:10 enggau Mark 10:29, 30. Pengudah macha tiap iti ayat, kerandauka tanya tu:
Baka ni ayat tu ulih nulung nuan enti nuan disakal diri sebilik tauka bala bakih nuan?
5. Terus nyembah Jehovah taja pan diperinsa
Kitai begunaka pemerani ngambika ulih mengkang nyembah Jehovah lebuh orang nguji nagang kitai ngereja nya. Mainka VIDEO, lalu kerandauka tanya tu.
Baka ni peneleba dalam video tu meri nuan pemerani?
Bacha Surat Kereja Rasul 5:27-29 enggau Hebrew 10:24, 25. Pengudah macha tiap iti ayat, kerandauka tanya tu:
Nama kebuah kitai patut terus nyembah Jehovah taja pan pengawa nginjil enggau gempuru kitai disakal piak perintah?
6. Jehovah deka nulung nuan tan napi perinsa
Bala menyadi di serata dunya enda ngira biak tauka tuai terus nyembah Jehovah enggau tetap ati taja pan diperinsa. Nama nulung sida? Mainka VIDEO, lalu kerandauka tanya tu.
Ba video tu, nama nulung Saksi-Saksi Jehovah tan napi perinsa?
Bacha Rome 8:35, 37-39 enggau Pilipi 4:13. Pengudah macha tiap iti ayat, kerandauka tanya tu:
Nitihka ayat tu, nama kebuah nuan nemu nuan ulih mujur napi perinsa?
Bacha Matthew 5:10-12, lalu kerandauka tanya tu:
Nama kebuah nuan agi ulih gaga ati taja pan diperinsa?
Bejuta iku Saksi-Saksi Jehovah mujur napi sakal. Nuan pan tentu ulih mujur!
BISI ORANG MADAH: “Enti aku diperinsa, aku tentu enda ulih tan.”
Nama ayat ke ulih dikunsika nuan kena ngeringka pengarap sida?
LANSA
Jehovah rinduka pengeran kitai ke deka nyembah Iya taja pan diperinsa. Enggau tulung ari Iya, kitai ulih tan napi perinsa!
Ulang Kaji
Nama kebuah kitai nemu orang Kristian deka diperinsa?
Nama deka digaga nuan diatu kena besedia napi perinsa?
Nama ulih nulung nuan andal nuan ulih mengkang tetap ati lebuh disakal?
ARAM BELAJAR
Peda meh peneleba seiku lelaki ke dijil laban mengkang neutral. Peratika baka ni Jehovah nulung iya betan.
Peratika nama nulung sepasang laki bini mengkang tetap ati taja pan disakal.
Belajarka chara napi perinsa enggau berani.
“Ari Diatu Nyikap Diri Kena Napi Pemerinsa ti Deka Datai” (Menara Jaga, Julai 2019)
Nama runding ke patut dikemansangka kitai lebuh disakal diri sebilik, baka ni kitai ulih mutarka nya enggau mujur?
“Pemendar, ‘Ukai Datai Mai Pemaik, Tang Mai Pedang’” (Menara Jaga, Oktober 2017)
-