Baka Ni Bup Kudus Ulih Nulung Nuan?

Mayuh orang berundingka tanya ke baka tu: Nama kebuah pengidup tu mayuh penusah? Nama kebuah mensia mati? Nama utai ke deka nyadi jemah ila? Kitai mega irau pasal chara nyaga utai ti diguna diri sebilik sereta chara ngembuan ruang bilik ti lantang. Bup Kudus udah mayuh nulung orang nemu saut ngagai tanya ke baka tu, lalu bulih jaku lalau ti beguna ba pengidup. Kebendar iya, Bup Kudus ulih nulung semua orang.

1. Nama tanya ke disaut dalam Bup Kudus?

Bup Kudus ulih nyaut tanya ke baka tu: Baka ni utai idup tau nyadi? Nama tuju pengidup? Nama kebuah orang ke manah merinsa? Nama nyadi ngagai orang ke udah mati? Enti semua orang dekaka pemaik, nama kebuah mayuh perang nyadi kemayaharitu? Kati dunya kitai deka dipunaska? Bejuta iku orang udah bulih saut ti ngemuaska ati ari Bup Kudus. Nuan mega tau bulih saut nya.

2. Baka ni Bup Kudus ulih nulung kitai ngembuan pengidup ti lantang ati?

Bup Kudus bisi mayuh jaku ajar ke ulih nulung kitai. Ambika chunto, Bup Kudus ngajar kitai chara ngembuan ruang bilik ti lantang, chara mutarka stress, sereta bisi runding ti betul pasal kereja. Nuan deka nemu utai ti diajar Bup Kudus senentang topik tu enggau topik bukai seraya nuan belajarka Bup Kudus. Nuan mega engka setuju, “semua Bup Kudus . . . beguna” ke pengidup kitai.—2 Timoti 3:16.

BELAJAR MAYUH AGI

Peratika baka ni Bup Kudus udah nulung mayuh orang, chara nuan ulih rindu macha Bup Kudus, sereta kebuah nya manah bulih bantu kena meretika Bup Kudus.

3. Bup Kudus ulih ngiring kitai

Bup Kudus baka penampak ti terang. Bup Kudus ulih nulung kitai ngaga pemutus ti manah sereta nemu utai pasal jemah ila.

Bacha Masmur 119:105, lalu kerandauka tanya tu:

• Nama runding penulis masmur tu pasal Bup Kudus?

• Nama asai ati nuan pasal Bup Kudus?

4. Bup Kudus bisi saut iya

VIDEO: Enda Kala Ngelengkaka Pengadang! (1:48)

• Nama utai ke ditanya indu nya?

• Baka ni pengawa belajarka Bup Kudus udah nulung iya?

Bup Kudus meransang kitai nanya tanya. Bacha Matthew 7:7, lalu kerandauka tanya tu:

• Nama tanya pasal pengidup ke kala ditanya nuan?

5. Nuan ulih gaga ati lebuh macha Bup Kudus

VIDEO: Macha Bup Kudus (2:05)

• Nama asai ati bala nembiak pasal pengawa macha?

• Nama kebuah sida rindu macha Bup Kudus diatu?

Bup Kudus ulih ngajar kitai, ngelantangka ati kitai sereta madah pasal utai ti manah ke deka nyadi jemah ila. Bacha Rome 15:4, lalu kerandauka tanya tu:

• Kati nuan deka nemu pasal utai manah sereta semaya pasal jemah ila ke dipadah dalam Bup Kudus?

6. Orang bukai ulih nulung nuan meretika Bup Kudus

Kelimpah ari macha Bup Kudus, mayuh orang nyau nemu berandauka Bup Kudus enggau orang bukai amat udah nulung sida. Bacha Surat Kereja Rasul 8:26-31, lalu kerandauka tanya tu:

• Baka ni kitai ulih meretika Bup Kudus?—Peda ayat 30 enggau 31.

LANSA

Bup Kudus meri kitai jaku ajar pasal pengidup, nyaut tanya ti beguna, meri pengelantang ba ati sereta madahka utai ti manah ke deka nyadi jemah ila.

Ulang Kaji

• Nama jaku ajar ke bisi dalam Bup Kudus?

• Nama sekeda tanya ke ulih disaut Bup Kudus?

• Nama utai ke deka dipelajar nuan ari Bup Kudus?

ARAM BELAJAR

Peratika baka ni jaku ajar Bup Kudus beguna ngagai kitai kemayaharitu.

“Ajar Bup Kudus—Penemu-Dalam ti Seruran Ulih Dikena” (Menara Jaga No. 1 2018)

Peratika chara Bup Kudus nulung seiku lelaki ke ngembuan runding ti negatif kenyau iya ari mit.

Baka Ni Pengidup Aku ti Ngagaka Ati Berengkah (2:53)

Belajar meh pasal jaku ajar Bup Kudus ke diri sebilik.

“12 Resia Diri Sebilik ti Lantang” (Peratika! No. 2 2018)

Mayuh orang enda nemu sapa ke nguasa dunya tu, aram meda saut Bup Kudus.

Nama Kebuah Belajarka Bup Kudus?—Video Penuh (3:13)

1. Kati Petara amat Pengarang Bup Kudus?

Bup Kudus ditulis kira-kira 40 iku lelaki ke datai ari gaya pengidup ti bebida. Bup Kudus ditulis ari taun 1513 S.M. nyentuk ngagai 98 M. lalu begunaka awak kira-kira 1,600 taun kena nembuka iya. Taja pia, utai dalam Bup Kudus bisi kaul sereta enda belaban enggau pangan diri. Nama kebuah? Laban bala penulis Bup Kudus nulis ‘pesan Petara ti dibai roh kudus.’a (2 Peter 1:21) Nya alai, mensia ukai nulis runding sida empu, tang Petara ngena roh kudus ngenataika runding Iya ngagai sida. (2 Timoti 3:16) Endang amat, Petara nya meh Pengarang Bup Kudus.—Bacha 1 Tesalonika 2:13.