Nuan Ulih Tetemuka Penemu-Dalam
‘Semua Bup Kudus endang bepun ari Petara.’ (2 Timoti 3:16) Ba ayat tu leka jaku “bepun” reti iya Petara ti Pemadu Bekuasa nepuka runding Iya ba bala penulis Bup Kudus.
Petara Deka Nuan Bulih Penguntung ari Penemu-Dalam Iya
‘Aku tu Jehovah Petara kita, ti deka ngajar kita utai ke penguntung kita lalu nunjukka jalai ti patut ditengah kita. Enti sema kita udah mendingka jaku Aku nya baru berekat tentu udah rarat ngagai kita baka sungai ti enda nemu langkang.’—ISAIAH 48:17, 18.
Ari ayat tu, Petara baka ke mai nuan ngulihka penguntung ari penemu-dalam Iya. Iya deka nulung nuan tetemuka pemaik enggau pengelantang.
Penemu-Dalam Petara Senang Diulih
“Lalu Berita Manah enda tau enda dulu ditusui ngagai semua bansa.”—MARK 13:10.
“Berita Manah” nyengkaum semaya Petara ti deka ngujungka pemerinsa, ngenataika dunya Paradais, lalu ngidupka orang ke dikesayauka kitai. Tu meh pesan ke ditusui bala Saksi-Saksi Jehovah di serata dunya.