Perintah Petara Diatu Merintah!

Perintah Petara berengkah merintah ba serega kenyau ari taun 1914. Hari ti Penudi mega berengkah ba taun nya. Nama bukti iya? Ba pelajar tu, kitai deka belajar pasal jaku benabi ba Bup Kudus, gaya dunya tu, enggau ulah orang kenyau ari taun nya.

1. Nama utai ke dipadah dalam Bup Kudus?

Bup Daniel nunjukka, Perintah Petara deka berengkah merintah ba ujung timpuh ke dikumbai “tujuh taun.” (Daniel 4:16, 17) Beratus taun udah nya, Jesus ngumbai timpuh nya “timpuh orang bansa bukai.” Lebuh iya ba dunya, iya ngajar timpuh nya bedau abis. (Luke 21:24) Timpuh tujuh taun nya abis ba taun 1914.

2. Baka ni gaya dunya enggau ulah orang kenyau ari taun 1914?

Bala murid Jesus nanya iya: “Nama tanda ti nunjukka nuan deka datai baru, enggau pengujung dunya?” (Matthew 24:3) Jesus madahka sekeda utai baka perang, lapar pungkang enggau tanah berenyang deka suah nyadi. (Bacha Matthew 24:7.) Bup Kudus mega madahka, ulah orang “ba hari ti penudi” deka ngasuh “mayuh penusah nyadi” ba pengidup. (2 Timoti 3:1-5) Semua jaku benabi pasal utai tu enggau terang ulih dipeda kenyau ari taun 1914.

3. Nama kebuah gaya dunya tu nyadi majak jai kenyau ari maya Perintah Petara berengkah merintah?

Enda lama pengudah Jesus nyadi Raja Perintah Petara, iya beperang ngelaban Sitan enggau bala melikat ti jai lalu ngalahka sida. Udah nya, “Sitan enggau semua bala melikat iya dibuai ke baruh ngagai dunya.” (Pemandang 12:9, 10, 12) Sitan amat ringat laban iya nemu iya deka dirusakka. Nya alai, iya ngasuh mayuh penusah nyadi ba dunya tu sereta mai mayuh pemerinsa. Nya meh kebuah gaya ba dunya tu nyadi balat jai! Tang Perintah Petara deka muai semua pemerinsa ba dunya tu.

BELAJAR MAYUH AGI

4. Jaku benabi ba Bup Kudus madahka 1914 nya taun ti amat penting

VIDEO: Perintah Petara Berengkah Merintah ba Taun 1914 (5:02)

Petara meri mimpi ngagai Raja Nebukadnesar ari menua Babilon kelia. Penerang ari nabi Daniel nunjukka mimpi nya bisi kaul enggau perintah Nebukadnesar enggau Perintah Petara.—Bacha Daniel 4:17.a

Bacha Daniel 4:20-26, udah nya kena charta dalam pelajar tu ngambika ulih nyaut tanya tu:

• (A) Nama utai ke dipeda Nebukadnesar ba mimpi?—Peda ayat 20 enggau 21.

• (B) Nama utai ke nyadi ngagai kayu nya?—Peda ayat 23.

• (C) Nama utai ke nyadi ba ujung timpuh “tujuh taun nya”?—Peda ayat 26.

Kaul Entara Mimpi pasal Kayu enggau Perintah Petara

JAKU BENABI (Daniel 4:20-36)

Perintah

(A) Sepun kayu ti besai

Ngetu merintah

(B) “Tebang kayu nya,” lalu awakka timpuh “tujuh taun abis”

Merintah baru

(C) “Nuan deka nyadi raja baru”

Terubah kali dikeamatka . . .

• (D) Sapa ke digambarka pun kayu nya?—Peda ayat 22.

• (E) Kemaya iya ngetu merintah?—Bacha Daniel 4:29-33.

• (F) Nama nyadi ngagai Nebukadnesar ba pengujung timpuh “tujuh taun”?—Bacha Daniel 4:34-36.

TERUBAH KALI DIKEAMATKA

Perintah

(D) Nebukadnesar, Raja Babilon

Ngetu merintah

(E) Pengudah taun 606 S.M, Nebukadnesar enda ulih merintah pengelama tujuh taun laban iya udah nyadi gila

Merintah baru

(F) Nebukadnesar badu agi nyadi gila lalu berengkah merintah baru

Kali kedua dikeamatka . . .

• (G) Sapa ke digambarka pun kayu nya?—Bacha 1 Bansa Israel 29:23.

• (H) Kemaya sida ngetu merintah? Baka ni kitai nemu sida agi enda merintah lebuh Jesus ba dunya?—Bacha Luke 21:24.

• (I) Kemaya sereta ba dini perintah tu dipulaika baru?

KALI KEDUA DIKEAMATKA

Perintah

(G) Bala raja Israel ngarika Perintah Petara

Ngetu merintah

(H) Jerusalem dirusakka, lalu perintah ke dipegai bala raja Israel teketu pengelama 2,520 taun

Merintah baru

(I) Jesus berengkah nyadi Raja Perintah Petara ba serega

5. Dunya udah berubah kenyau ari 1914

Mainka VIDEO.

VIDEO: Dunya Udah Berubah Kenyau ari 1914 (1:10)

Jesus madahka utai ti deka nyadi ba dunya pengudah iya nyadi raja. Bacha Luke 21:9-11, lalu kerandauka tanya tu:

• Nama ulah ke disebut dalam ayat tu ke bisi didinga tauka dipeda nuan ba orang kemayaharitu?

Rasul Paul madahka ulah orang ba Hari ti Penudi. Bacha 2 Timoti 3:1-5, lalu kerandauka tanya tu:

• Nama ulah ke disebut dalam ayat tu ke kala dipeda nuan?

6. Chara Perintah Petara merintah patut meransang kitai

Bacha Matthew 24:3, 14, lalu kerandauka tanya tu:

• Nama pengawa ke nunjukka Perintah Petara benung merintah?

• Baka ni nuan ulih enggau pengawa tu?

Perintah Petara benung merintah, lalu deka bekuasa atas dunya enda lama agi. Bacha Hebrew 10:24, 25, lalu kerandauka tanya tu:

• Ketegal “Hari Tuhan nyau semak,” nama patut digaga kitai?

LANSA

Jaku benabi dalam Bup Kudus, sereta gaya dunya tu nunjukka Perintah Petara benung merintah. Kitai nunjukka diri andalka utai tu enggau nginjil pasal utai nya sereta datai begempuru.

Ulang Kaji

• Nama nyadi ba ujung timpuh tujuh taun ke dipadah dalam bup Daniel?

• Nama utai ke ngasuh nuan andal Perintah Petara berengkah merintah ba taun 1914?

• Baka ni nuan ulih nunjukka diri pechaya Perintah Petara benung merintah?

ARAM BELAJAR

Peratika utai ti dipadah pakar sejarah enggau orang bukai pasal utai ti berubah ba dunya kenyau ari taun 1914.

“Standard Moral Dunya Majak Jai Sejai” (Peratika!, April 2007)

Peratika baka ni jaku benabi ba Matthew 24:14 meri empas ngagai pengidup seiku lelaki.

“Aku Amat Rindu Main Besbul!” (Menara Jaga, No. 3 2017)

Baka ni kitai nemu jaku benabi ba Daniel bagi 4 nunjuk ngagai Perintah Petara?

“Kemaya Perintah Petara Berengkah Merintah? (Begian 1)” (Menara Jaga, 1 Oktober 2014)

Nama utai ke nunjukka timpuh “tujuh taun” ke disebut ba bup Daniel bagi 4 abis ba taun 1914?

“Kemaya Perintah Petara Berengkah Merintah? (Begian 2)” (Menara Jaga, 1 November 2014)