Nyediaka Ati Nuan Sebedau Belajar

Lebuh kitai belajarka Bup Kudus, kitai dekaka utai ti dipelajarka kitai pasal Jehovah negu ati kitai. Kitai ulih belajar ari Esra ke “nyediaka ati diri ngambika ulih belajarka Adat Jehovah.” (Esr. 7:10) Baka ni kitai ulih nyediaka ati kitai?

Besampi. Sebedau nuan belajarka Bup Kudus, nuan ulih besampi dulu. Pinta meh Jehovah nulung nuan faham utai ti dipelajar nuan sereta chara nuan ulih ngena nya ba pengidup.—Mas. 119:​18, 34.

Ayanka pemaruh ati. Petara ngelalaika pemendar ari sida ke sumbung sereta sida ke ngumbai diri enda begunaka tulung ari Iya kena meretika Bup Kudus. (Luk. 10:21) Anang ngaga pansik laban deka ngeso utai ke ditemu nuan ngagai orang bukai. Lalu lebuh kitai belajarka utai ti patut diubah kitai, kitai deka ngayanka pemaruh ati lalu ngaga ubah nya.

Dingaka lagu Perintah Petara. Musik bisi kesan ngagai emosi kitai. Nyadi, enti kitai ninga lagu Perintah Petara sebedau belajar, nya deka nulung kitai fokus agi ngagai Jehovah. Enggau nya, utai ti dipelajarka kitai deka negu ati kitai.