LEKSION 11

Entusiasmo

Roma 12:11, NW

SUMARIO: Entusiastiko nakuan i paguvovug mu tapenu mala i interes na maggigginna anna mapaguyu ira.

Matukkal nakuan i mismu futum. Ta pappreparam ta presentasiommu, nonopan tu mapia i importansia na mensahem. Gigiammuan tu mapia i material tapenu napafutuan nga mekagim yatun.
Sigga-nono ka nakuan ta maggigginna. Monag nga pannonopan nu kunnasi mabenefisiowan i tanakuan ta informasion nga ibibbig onu ituddum. Nonopan nu kunnasi iyarubang i informasion tapenu mas maappresia yatun na maggigginna.
Kuan tu matotolay i presentasiommu. Entusiastiko nga maguvovug. Mangusa tu natural ira nga pakkumpas anna sinsero nga ekspresion na muka tapenu mepasingan i panageno mu.

Magimmugug nga ari mari i fokus na maggigginna megafu ta para-parehu nga pakkumpas nga nakasanayammu. Egga nakuan gakkag na pakkumpas mu. Mabbalin tu entusiastiko nu ituddum i pinakapunto ira anna nu pagarammammu i maggigginna nga iyaplika i naginnada. Ariammu sossobran i ka-entusiastikom ta interu nga presentasiommu tapenu ari molang i maggigginna.