• “Bịa na Masedonia Nyere Anyị Aka”
    ‘Ịgba Àmà nke Ọma Banyere Alaeze Chineke’

    • 16. Olee otú egwú si dagharịa n’ụbọchị sotere ụbọchị a pịara Pọl na Saịlas ihe?

      16 N’ụtụtụ ụbọchị sotere ụbọchị a pịara Pọl na Saịlas ihe, ndị isi obodo nyere iwu ka a hapụ ha. Ma Pọl sịrị ha: “Ha pịara anyị ihe n’ihu ọha n’amaghị anyị ikpe, n’agbanyeghị na anyị bụ ndị Rom. Ha tụbakwara anyị n’ụlọ mkpọrọ. Hà na-achụpụzi anyị na nzuzo? Mbanụ! Ha bịa n’onwe ha kpọpụta anyị.” Mgbe ndị isi obodo nụrụ na Pọl na Saịlas bụ ndị Rom, “ụjọ tụwara ha” n’ihi na ha emeela Pọl na Saịlas ihe a na-ekwesịghị ime ụmụ amaala Rom.d Egwú dagharịziri. Ebe ọ bụ na a pịara ndị ahụ na-eso ụzọ Jizọs ihe n’ihu ọha, ndị isi obodo kwesịkwara ịrịọ ha arịrịọ n’ihu ọha. Ha rịọziri Pọl na Saịlas ka ha si na Filipaị pụọ. Ha abụọ kwetara, ma ha bu ụzọ gbaa ndị ọhụrụ niile ghọrọ ndị na-eso ụzọ Jizọs ume. Ọ bụzi mgbe ahụ ka ha si n’obodo ahụ pụọ.