CH’ALI ABO KRAIST
Amadide-ala Kuma Ch’alu Du Ma Neke Che Ki N̄yọ N̄wu Abo Kia Rẹ Jihofa
Amonẹ wewe gbeju kẹdọno abo kuma n’ukpahiu ojoji ojoji n. A neke kp’uma abi n. Amonẹ wewe m’ukpahiu kuma nẹ du ch’uji. (Mai 7:3) Uyọ wa che nana todu kuma kọ ab’ogijo unyi ujeju wa kuma d’ukpahiu ma ch’alu du kuma neke che ki n̄yọ n̄wu abo kia rẹ jihofa.—Ẹsta 10:3; Mat 20:25, 26.
Ab’ogijo unyi ujeju wa ch’ojoji n̄wu abo kuma n’ọda ukpahiu ilẹ-i. Ma ch’ukọlọ adejutẹ todu ufẹdọ kuma nẹ n̄wu Jihofa kpai amonẹ-wn̄. (Jọn 21:16; 1Pita 5:1-3) Amadide-ala-i l’ẹrẹ Jisọs ach’abunẹ okoke amajuchẹn̄yo kuma n̄mi tọkọọ efu abo akwọra unyi Jihofa, kuma la mẹru Jihofa alo waa. Ma hika d’ugbẹdọ n̄wu am’ala Jihofa, ma la ach’abunẹ ma iko k’ọga achigili lia abẹki iko k’ẹn̄wu uchobi kẹrẹbuma. Ichẹn̄wu kẹ tene abunẹ, ichenyọ kẹ k’ọla n̄wu ogijo ka efu unyi ujeju wẹ.—Jem 5:14.
GO VIDIO AMADIDE-ALA KIA DEJUTẸ AM’ALA, UBILẸ, MẸ DOHI AM’ENE-I:
Abu Mariana jile kwefu abunẹ ki kwugbo ab’ogijo?
Abu Elias jile kwefu abunẹ ki kwugbo ab’ogijo?
Ubi kẹ go vidio-i, abu ẹdọ wẹ dẹ lugbo ukọlọ k’abogijo a che?