Ukọchẹ 1

Alu kẹ Neke Tejanẹ Ẹwñ k’Ọjọ Tene Ugbo Wẹ

Ukọla kpaka nya j’efu Baibul taa? (1)

Ẹnẹ kọ Baibul? (2)

Ẹwñ chi ki dukpẹ k’ẹ kọchẹ Baibul? (3)

1. Baibul ch’ele kpaka ki kw’ugbo Ọjọ. I dabu ọtakada ki kw’ugbo ata ufẹdọ t’ugbo amọma-wñ. I ka ochochi ñwu wa lugbo Ọjọ—ẹnẹ ki che kpai alu ki dẹ. I ka anẹr’eju alu ka neke b’amakanya che kpai alu ka neke li ẹd’ẹbọ ochochi. Baibul kate ka ñwu wa ẹwñ k’a che tila k’a b’Ọjọ ẹdọ.—Eli Ekọ d’Ọjọ 1:1-3; Aizaya 48:17, 18.

2. Abo ki kọ Baibul dabu 40 ojoji ojoji ki tu agbagba ọdọ 1,600 le, ki chanẹ ef’ọdọ 1513 B.C.E. Ọtakada 66 kekele kekele iche. Afu Ọjọ nẹ abo ki kọ Baibul lale lẹ. Ibe-wñ ma kọ, i ch’e-ma n. Todulẹ Ọjọ efojale, ki che on’ilẹ anẹ-ilẹ n, ch’Ẹnẹ ki kọ Baibul.—2 Timoti 3:16, 17; 2 Pita 1:20, 21.

3. Ọjọ li pee kakini ma fu Baibul kọ yiili k’u ma f’eju t’ọ. Ma kọ Baibul wewe t’ọtakada du le. I ch’amonẹ du ẹdọ ma abọ ku ma li wẹ k’ẹ ch’ukọchẹ Baibul n, ama ẹ ki jẹ ñw e-lẹ kp’ọna ny’ẹ n. Iñmi ogbegbelẹ-wẹ doji ema Ọjọ wẹ k’ẹ che ẹwñ ki d’ọ ẹdọ alu du k’akọbọ dẹ kade.—Matiu 5:10-12; Jọn 17:3.