UKỌCHẸ 11

Abu Ẹ Neke Jile Nana Kwefu Baibul Egba?

E-ku Ma Kọ Dufu

I n’iko k’ẹ tene chanẹ ukọlọ lile ka k’ẹ go kaki i ana t’ukpahiu wẹ le? Ki neke lọla ñwẹ, ẹ neke fu kpẹru k’ẹ na che okoka. Ẹ neke ch’abalẹ gẹ ichẹñwu k’ẹ tene gba Baibul. Ẹ neke t’ọla wẹ ene kaki, ‘Abu na chanẹ le?’ Efu ukọchẹ-i, ana kọla oji ẹñwu k’ẹ neke che ki ach’atẹko wẹ ki lọla ñwẹ k’ẹ na gba Baibul kpai ech’ukọchẹ-wñ ọjọ duu.

1. Ẹñwu chi ki dukpẹ k’a na gba Baibul iko duu?

Ẹnẹ ki agba Baibul abẹki “ukọọla Jihofa” iko duu a n’uyọ, ẹñwu ki ache ara ñwu. (Gba Eli Ekọ DʼỌjọ 1:1-3) Ẹ neke chanẹ kpai edu miniti pẹẹ gba Baibul ọjọ duu. Alu k’ẹñwu k’ẹ gba na nẹr’ẹ eju abalẹ oñ ẹ na n’uyọ kwefu Baibul egba wẹ.

2. Ẹñwu neke ch’atẹko wa k’a jile kwefu Baibul egba?

K’a neke jile kwefu Baibul egba, idukpẹ k’a dago pẹẹ k’a kpibe oji ẹñwu k’a gba tak’a dabi gba alo. I dukpẹ k’a na gba, k’a la “na yaye-wñ.” (Jọshua 1:8) Alu k’ẹ na gba-i, na t’ọla wẹ ene dabu: ‘Ẹñwu emi kọ mi lugbo Jihofa Ọjọ? Abu u neke d’e-i chekwu efu ọlai mi? Abu u neke d’amọgba Baibul-i ch’atẹko abomunẹ?’

3. Abu ẹ neke n’iko Baibul egba?

I chẹ gbiti ñwẹ k’ẹ n’iko k’ẹ gba Baibul? I ch’uwẹ kate n, i chẹ gbiti ñwu ojile wa. Na ja k’ẹ ‘naf’iko la tẹ.’ (Abo Ẹfẹsọs 5:16) Ẹ neke ch’e-kidẹ ichẹñwu ki n’iko k’ẹ tu tanẹ k’ẹ na gba Baibul ọjọ duu. Abo ka ad’iko tanẹ ku ma gba Baibul inajọ. Abomunẹ agba iko ọrọka, i neke ch’iko ku ma jẹñwu ọrọka. I ñọ n’abo ku ma gba taku ma na dachi. Iko a nyọ ñwẹ tule k’ẹ gba Baibul?

N’UMA NYỌGBA

Kọchẹ alu k’ẹ neke na jidadi Baibul egba wẹ. Kọchẹ alu k’ẹ neke mọla ñwu ukọchẹ Baibul wẹ k’ẹ neke jile nana kwefu-wñ.

Am’ifoto: Ọma ọnẹkẹlẹ ka akọchẹ ej’ujẹñwu etitọ kwẹgba ki ch’imọtọ at’ẹgba ki gba dufu. 1. Ọma ọnẹkẹlẹ lẹ d’ujẹñwu lẹ chiya. 2. Alu ki gba pẹẹ, i chanẹ ej’ujẹñwu lẹ. 3. Alu ki ñọ gba manyu, i chanẹ ejidadi ujẹñwu lẹ. — Dab’alu k’a neke kọchẹ ujẹñwu etitọ ojoji ojoji, ọna lẹ a neke kọchẹ ejidadi Baibul egba

4. Kọchẹ alu k’ẹ neke jidadi Baibul egba

Echanẹ Baibul egba neke gbiti ñwẹ. Ama, ichẹñwu k’ẹ na gba alo, ẹ li kaki ẹ chanẹ ‘eñeju-wñ’ dabu ujẹñwu etito k’ẹ kọchẹ ejẹ taki ẹ chanẹ ejidadi-wñ. Gba 1 Pita 2:2, ubilẹ mẹ ch’oluka oji ene-i:

Ichẹñwu k’ẹ gba Baibul ọjọ duu, ẹ neju kaki i n’ẹgba ki awa k’ẹ na ñeju ki iko egba Baibul wẹ ki hika wa?

G’IFIDIO-i k’ẹ li alu k’abo ka chanẹ ejidadi Baibul egba. Ubilẹ, mẹ ch’oluka oji am’ene-i.

IFIDIO: Am’agbadufu Ku Ma Akọchẹ Efẹdọ Ọla Ọjọ (5:33)

Efu ifidio-i, am’ihianyi ẹñwu am’agbadufu lẹ le gwefu-wñ du?
Ẹñwu ch’atẹko ma ku ma neke na gba Baibul iko ku ma du tanẹ ñwu?
Ẹñwu ma che ku ma neke jidadi Baibul egba ma?

Amẹñwu ki neke ch’atẹko wẹ k’ẹ chanẹ Baibul egba:

Tu Baibul k’amẹñwu ki defu-wñ chẹ jọkpa, ku ma la kọ t’alichi k’amonẹ a ka abajọ-i. A d’ibe ñwẹ k’ẹ gba New World Translation ichẹñwu ki dẹ al’ichi wẹ.
Chanẹ egba kwugbo k’ẹ ñeju tule. Ichẹñwu k’ẹ tene ma manyu, g’amẹñwu ku ma kọ ti “Chanẹ Baibul Egba.”
D’ẹñwu f’ugbo k’ẹ gba kade. Du oji-ọla “D’ẹñwu f’ugbo k’ẹ gba Baibul kade” ki defu ọtakada-i chekwu.
Du JW Library^® chekwu. Ichẹñwu k’ẹ du chekwu, ẹ neke gba Baibul abẹki enetiru Baibul e-ku ma rẹkọdu oji fonu abẹki oji kọmputa.
D’ugbo ku ma dọ appendixes ki defu New World Translation chekwu. Ma d’ujiwe anẹ, ichati kpai ukpẹ ki ak’anẹreju am’ọla ki defu Baibul t’efu-wñ, e-lẹ ajẹ ñwẹ jidadi ẹñwu k’ẹ gba.

5. Mọla ukọchẹ Baibul wẹ tanẹ

Gba Eli Ekọ D’Ọjọ 119:34, ubilẹ mẹ ch’oluka oji ene-i:

Ẹñwu chi ki nyọ k’ẹ ch’adua taki ẹ chanẹ Baibul egba wẹ abẹki ichẹñwu k’ẹ mọla ukọchẹ Baibul wẹ?

Abu ẹ neke jile nana kwefu ukọchẹ Baibul iko du? Alu k’ẹ na mọla ukọchẹ wẹ okoka, amẹñwu k’ẹ neke che dẹ:

A. Gba am’ọgba ki d’ukpẹ ejodudu efu ukọchẹ lẹ.
B. Gba am’oji Baibul ki dọmọ, k’ẹ la ja k’ẹ m’ẹñwu k’ọgba lẹ ka lugbo oji ọla k’ẹ kọchẹ.
CH. D’ẹñwu f’ugbo k’amohi ene dẹ; e-i ach’atẹko wẹ k’ẹ neke ch’oluka kpai ẹnẹ ki ach’ukọchẹ Baibul kp’uwẹ.

Am’ifoto: Onobulẹ ka amọla ukọchẹ Baibul-wñ tanẹ. A. I na gba ukpẹ ejodudu efu ukọchẹ lẹ B. I na gba am’oji Baibul ki dọmọ. CH. I na d’ẹñwu f’ugbo k’amohi ene dẹ.

Ẹ che ma?

Amẹnibenu Jihofa chẹ du Baibul ojoji ojoji chekwu mẹ. Ama, a ñeju New World Translation of the Holy Scriptures tule todu kọla ki d’efu-wñ chẹ jọkpa, i che nẹreju ila d’odu Ọjọ chekwu—G’oji ọla-i oji jw.org “Amẹnibenu Jihofa ni Baibul Ema Ojoji?”

ABO KA KAKINI: “Ech’ukọchẹ Baibul chẹ gbiti tabale. U n’ukpahiu abẹki iko ñwu n.”