K’onẹ L’ọna Kia Nẹreju

Ẹn̄wu ki Jisọs Che

VIDIO: Jisọs D’ujiwe N̄a Alu Ki Jihofa Afẹdọ Wa

1. Go VIDIO, abẹk’ẹ gba Matiu 6:25-27. Ubilẹ,kpibe oji am’ene-i:

1. Abu Jisọs d’ujiwẹ alu ki Jihofa adeju tẹ wa n̄a?

2. Dagba ki Jisọs che m’ẹnwu wewe lugbo am’ẹwẹ, ẹn̄wu ch’ẹn̄wu ujiwe ki lọla ki Jisọs k’ọla lugbo n̄wu? Ẹn̄wu chi k’e-lẹ la ch’ọna ọmẹmẹlẹ ku ma du k’onẹ ẹn̄wu?

Ẹn̄wu A Kọchẹ Kwugbo Jisọs?

2. Ichẹn̄wu k’ọna ka k’amonẹ ẹn̄wu chẹ lọla n̄w ma, amonẹ ana rewa ẹn̄wu ka kọ ma, i la n̄o tunyu ma ẹdọ gẹ.

Ch’awọli Jisọs

3. Ẹ ki kọla ololo n. Ẹ ki k’ọgbọdu ẹn̄wu kẹ ma lugbo oji ọla ku mẹ kọchẹ lẹ n. D’ibe t’ẹn̄wu ki defu ọtakada ku mẹ kọchẹ. Ubi kẹ fu nene, ẹ d’iko n̄w ki dohi. Ichẹn̄wu ki ma m’ohi kia du n abẹk ohi ki du jẹ kpai Baibul n, ẹ neke nene omunẹ ki neke kpibe ohi ọla lẹ. Ichẹn̄wu kọla lẹ chẹ nẹreju mẹ, mẹ neke tẹ t’ọgba.

4. D’ẹn̄wu k’ẹnẹ lẹ ma kwobi chabunẹ n̄wu k’ẹn̄wu etito k’ẹ kọ ki nẹreju. G’ujiwe-i, tak ẹ chanẹ ukọchẹ udajikwanẹ, mẹ neke d’iko ree deju g’ẹn̄wu k’ẹnẹ kẹ ch’ukọchẹ kp’own̄ ma kwobi lugbo abo ki kwu.

5. Kpibe nyọnyọ tak ẹ d’ujiwe chekwu. Tak ẹ d’ujiwe chekwu, n’ọlawẹ am’ene-i:

1. ‘Ujiwe-i che nẹreju?’

2. ‘I ahika nẹr’ẹnẹ ku na ch’ukọchẹ Baibul kp’own̄ eju?’

3. ‘I a chabunẹ ẹnẹ ku na ch’ukọchẹ kp’own̄ ki neke hika rewa oji ọla-i—ki ma ch’ujiwe-i kate i arewa n-i?’