Zọzọ-nana Daba​—⁠Timi Fịbaị Erein Kị Laa Mịnị

Taa mọ yei mọ Jehovah dọụ bara inyenrin daba, tokoni akị Jehovah pịrị má amịnị pọwẹị kpọ nana mịnị. (Mr 10:9) Bolouịmbẹlẹ zọzọ-nana warịbolou ghọ timi dọụ emi aba, Bible tolumọbịbị dii akị kịlịkịlị bara iné nana dọụ emi bọ sẹlẹ.

Timi “tọbụ tọbụ zọzọ-anga dịsẹ nana kụrọmọ mịnị ifie bụọ dẹ kị,” yei anịghakpọ ere nana mụ iroro tọn. (1Co 7:36) Ị́mịnị naa yei anịghakpọ ere nana ifie bi akị Ọkpọnanaowei mọ kẹnịsụọmọ yebi mịẹ kụrọmọ má wo dọụ bara inyenrin. Ị́mịnị bịsa bara mịẹ dẹ kị bo yei anịghakpọ ere-nana daba, ị́ kpọ bo ebi warị-anga otu ghọ paa dẹ.

Ị́mịnị kịmị nana dọụ mịnị aba, izou kụmọ, ụ bọ “adụdụ emi bara bị” nimi. (1Pe 3:4) Ị́mịnị tamanaịnyọ nana mịnị aba, ụ bọ mọ ẹrẹtei. Zọzọ-nanaye ebi ị́ mọ dọụ mịnị aba, ị́ kpọ iné wẹnị mọ agbẹị fịrị nimi-pẹlẹ. (Php 2:​3, 4) Bible tolumọbịbị ị́ mọ dii akị zọzọ-nana iroro tọn daba, anị zọzọ-nanaye bi pọwẹị pọwẹị kị paa mịnị.

ZỌZỌ-NANAYE BI ANGỌ TỌLỌMỌ​—⁠PART 3: “BOLOU BỌỌ EMI YEMỌ DIITỤA,” VIDIO FARỊ DÁ BEI BIIBỊBỊMỌ PARAỊ:

• Bịnaraụma mọ Shane mọ zọzọ-nana iroro tọn yebi tebara kị paa ma o?

• Amịnị bo ụ nimi ebimọ ifie bi teeki dọụ ẹrị ma o?

• Ara daụ mọ yin mọ tebara ka kị baratụa a pịrị ma o, má amịnị te ebi iroro kị tọn angọ pịrị ma o?