CHRISTTUUDUO-OTU BARA INYENRINPAAMỌ
Ị́mịnị Bible Ma Nanawẹrị Emi Peibolou Bị Mịẹ Kụrọmọ
Bible bị wó ụndụbọ dei a paa emi. (Heb 4:12) Anịa omịnị Bible gbaa egberibo mọ tolumọyebo mọ duo arere nana dọụ emi aba, omịnị Bible mị kọkọ “Ọkpọnanaowei egberi” bara biberin mịnị. (1Th 2:13) Omịnị tebara ka kị wó Bible bọọ nanawẹrị emi peibolou bị mịẹ kụrọmọ mịnị a o?
Ereinmọsẹ kẹnị Bible yọ goo. Ị́ goo mịnị ifie bị, Jehovah kị kọkọ Bible nanawẹrị emi bara mịẹ gaan paamọ wẹrị emi yebo lelei pẹlẹ. Gbaamaba, Proverbs fun bọọ emi kịlịkịlị tolumọyebo goo dá, mị tịẹkiri kpọ wó ụndụbo gbele emi bara nimi.—Pr 13:20; 14:30.
Olomu bara akị Bible tolumọ. Ebibara Jehovah kị kọkọ Bible nanawẹrị emi bara mịẹ gaan paamọ wẹrị emi yebo nimi pẹlẹ. Research Guide for Jehovah’s Witnesses, bolou bị “The Bible” dii, bá “Inspired by God” dii. Bible bọọ emi egberibo na deigha. Ị́mịnị Bible ma nanawẹrị emi peibolou bị mịẹ kụrọmọ dọụ emi aba, New World Translation bolou bọọ Appendix A3 goo.
OMỊNỊ PEIBOLOU AKỊ . . . ỌKPỌNANAOWEI EGBERIBO NANA TUUBI VIDIO BỊ DII DÁ BEI BIIBỊBỊBO PARAỊ:
Egypt bọọ, Karnak karịwarị akpakpa ma ẹrị yebo, tebara ka kị Bible bị gesii emi bara mịẹ gaan paamọ ma o?
Omịnị tebara ka kị Bible bolou bọọ emi egberibo naa deigha bara nimi ma o?
Bible mị ụndutimi wó ifie laa yọmị, tebara ka kị Ọkpọnanaowei fun bara mịẹ gaan ma o? —Isaiah 40:8 goo