CHRISTTUUDUOTU BARA INYENRINPAAMỌ
Bụụdọọnye Wó Laa Dẹ Ifiesẹ, Jehovah Baratụa Wó Pịrị Mịnị
Bei tuu kunumọ ereinbo, biin bụụdọọnyeama wó laa mịnị. Zụa ifieama wó bụụdọọnyebo oku wó dẹịn emi bara wó mọ tọn kpọ paa emi. Anịa, omịnị pẹlẹgha bara Jehovah mọ naịn daba, Jehovah wó barị kụrọ dẹịn bụụdọọnye kpọ ine mịnị. (Isa 43:2, 4) Bụụdọọnyeama kị wó laa emi kpọ, omịnị tebara ka kị Jehovah mọ naịntimi mịnị a o?
Tẹẹbịbị. Omịnị adụdụ duo tẹẹ Jehovah pịrị daba, omịnị dọọ ịkịọụ bá ye-ine mụ kụrọ kpọ akị wó pịrị mịnị.—Php 4:6, 7; 1Th 5:17.
Yetolumọyọ. Omịnị Bible tolumọye bá ebi ikie-otu dọụ wẹrị emi. Jehovah yetolumọyọbo duo bei yebo akị wó pịrị dẹ. (Heb 10:24, 25) Omịnị angọ tọlọmọ wẹrị yetolumọyọ amú, bá biibịbị paraị mịnị ifie sẹ, Jehovah ebi tẹmẹ bị baratụa wó pịrị mịnị.—Re 2:29.
Egberigbaa. Omịnị angọtụa ifiebosẹ egberigbaayọ paa daba, ebi yeama iroro mụ yobị bọụbọụ akị wó pịrị dẹịn mịnị. Wó mọ Jehovah mọ ikie bi palịị dẹịn mịnị bá wó bịnaotubo mọ nanawẹrị emi ikie kpọ palịị dẹịn mịnị.—1Co 3:5-10.
JEHOVAH Ị́ KẸRỊ AKỊ MỊNỊ VIDIO FARỊ DÁ BEI BIIBỊBỊMỌ BII:
Bụụdọọnyeama Malu laa ifie bị teeki baratụa a pịrị wẹrị Jehovah mọ naịntim’ma o?
Malu paamọ bara bị, omịnị kpọ bụụdọọnye bolou emi ifiesẹ, Psalm 34:18 tebara ka kị wó kụrọmọ a paa emi a o?
Malu paamọ yebi, tebara ka kị Jehovah omịnị bụụdọọnye bolou a sụọ daba “kụrọbosẹ dẹịn emi kụrọ” akị wó pịrị mụ bara mịẹ gaan ma o?—2Co 4:7