Vurudu Akpotu Paa Daba Akị Baratụa Mụ Ụwọụbo

Mị tịẹkiri mị vurudu akpotuama paa bọlọụ ifie dẹịn dẹ. Bei yebo paa daba, baratụa kịmịotu pịrị mụ yọ dọụ wẹrị emi. Anị duonị, Governing Body, Disaster Relief Department akị branch office bosẹ a mịẹpaamọ mụ iroro tọnpẹlẹ mị.

Vurudu akpotu paa daba, bei baratụa fịrị wẹnị emi bịnaotubo kpá yọ bọọ emi itu-kosuotubo tịịn wẹrị bịnaotubo dọụ wẹrị emi yebo nimi mịnị. Bịnaotubo kọkọ baratụapịrịye dọụ wẹrị emi aba, branch office bịnaotuama sẹlẹ wẹrị baratụapịrịye mịẹpaamọ mịnị. Bei sẹlẹ wẹrị emi bịnaotubo, angọ paamọ fịrịwẹnị mụ kịmịama, bá otuo-yeama kpọ dọụ wẹrị emi. Amịnị yebo fẹị siin daba, dịẹ akị kịmịbo pịrị mịnị.

Bịsẹ bara mịẹ daba biin arereama k’emi. Bịnaotubo anị dọụbara akị ye mịẹgha fa. Anị duonị, afẹn fịrịwẹnị, zọzọ naagha, bá sịlị tangbei yọ kpọ tịẹmọ mịnị.

Sẹlẹ wẹrị emi bịnaotubo, dọụ wẹrị emi sịlị-biri mọ bá fịrị wẹnị agbẹị emi kịmị-biri kpọ nimi wẹrị emi. Amịnị yọbị daa mịnị kịmịbo mọ ẹrẹtei wẹrị kpá fịrị wẹnị siin mụ bara kpọ nịmị wẹrị emi. Anị duonị sisei vurudu akpotu paa daba, ị́ fịrịmọgha bara bẹtịbị sịlị otuo, anịghakpọ baratụapịrịye saị bá yọụ yọ bọọ mú kụmọ.

Bịsẹ bara kị gbaa kpọ, vurudu akpotu paa daba, omịnị baratụapịrịye mịẹmọ agbẹị emi. (Heb 13:16) Omịnị wó bịnaotubo tarị emi! Teeki wó mọ mịẹ a paa emi a o? Yelaa dẹịn yebị, omịnị tẹẹ akị vurudu akpotu paamọ emi bịnaotubo mọ bá baratụa a pịrị mịnị bịnaotubo mọ pịrị a paa emi. Omịnị mọkpọ sịlị otuoye akị worldwide work bọọ tụa a paa emi. Governing Body gbaa bara diimịẹ mịnị duonị, branch office bei sịlị otuoyebo akị fịrịwẹnị agbẹị emi ịkọkịbo nimi wẹrị emi. Omịnị kpọ vurudu akpotu paa yọ a mú fịrịwẹnị dọụ emi aba, Local Design/Construction Volunteer Application (DC-50) fun mị ẹrẹ tụa.

YE SEIMỌ OPUBENI BRAZIL A PAA MỊ, VIDIO FARỊ DÁ BIIBỊBỊ PARAỊ:

2020 kụraị bọọ Brazil ma paa opubeni bị, Jehovah Iseriotu baratụapịrịye mịẹ bara dii daba, teeki kọkọ iné angọ a sụọ ma o?