CHRISTTUUDUO-OTU BARA INYENRINPAAMỌ
Jehovah Kị “Daụ Fa Awọụbosẹ Daụ”
Kụraịbosẹ asịyaị-pesiama angọ paamọ bo Jehovah karịmịnị. (Ps 110:3) Jehovah olomubara akị a tarị emi. Jehovah anị bụụdọọnyebosẹ nimi wẹrị emi bá baratụa a pịrị wẹrị ụ karịmụ bara kpọ gbaa wẹrị emi. Ị́ daụ anịghakpọ ị́ yin kị bẹtịbị ị́ kekere mịnịaba, malafakụmọ Jehovah kị “daụ fa awọụbosẹ daụ.” (Ps 68:5) Iné warịbolou bị ebi mịẹdịaye fa kị gbaa kpọ Jehovah tolumọyebo ị́ mịẹ pụọsị pụọsị mịnị.—1Pe 5:10.
PEIBOLOU KẸRỊ KỤRỌMỌ OTUAMA—DAỤ ANỊGHAKPỌ YIN BẸTỊBỊ PỊRỊ GBALỊ PAAMỌ KỊMỊ, VIDIO FARỊ DÁ BEI BIIBỊBỊMỌ PARAỊ:
Tammy, Charles bá Jimmy mịẹdịaye bị te tolumọye ka kị wó pịrị ma o?
Psalm 27:10 te kụrọmọye ka kị daụ anịghakpọ yin bẹtịbị pịrị gbalị paamọ otubo pịrị wẹrị emi a o?