CHRISTTUUDUO-OTU BARA INYENRINPAAMỌ
Jehovah Ogbo Duo Serii Bá Gbaa Seimọ Mịnị Kịmịbo Duo Angọ Kekere
Wó peibolou mịẹ sumọ dọụ mịnị yọ duonị, Satan mọ wo kịmịbo mọ ikpé akị gesii gụa wẹrị gesii sọwẹị mịnị. (2Co 11:3) Gbaamaba, Assyria-otubo ikpé egberiama gbaa wẹrị Jehovah otubo sumọ mị. (2Ch 32:10-15) Jehovah ogbo duo serii bá gbaa seimọ mịnị kịmịbo kpọ bịsẹ bara kị mịẹ mịnị. Omịnị tebara ka kị bei kịmịbo tolumọ mịnị yebo diimọ mịnị a o? Kịmị baa mịnị tolumọyeama! Benebene anị funbo goo, a mọ mọ́ ẹrị anịghakpọ anị gbaadẹ egberibo gbaa kịmị pịrị kụmọ. Tamanaịnyọ akị Jehovah mọ wo ogbo mọ nanamụ egberiama lelei-pẹlẹ dá—kpá a gbeinmọ kọrọmọ!—Jude 3, 4.
“PEIBOLOU SỤỤ BỌỌ TỊẸ-KỤRỌ”!—DỌLỌYỌ, VIDIO FARỊ DÁ BIIBỊBỊMỌ PARAỊ:
Tetuu kị duonị, omịnị intanẹtị bọọ sụọ mịnị yọbị angọ-dii agbẹị emi a o?
Omịnị tebara ka kị Romans 16:17 bọọ emi tolumọye dii wẹnị a paa emi a o?