CHRISTTUUDUO-OTU BARA INYENRINPAAMỌ

Baratụa Karịbụọ Dịsẹgha Kịmịama Pịrị Wẹrị Ọkpọnanaowei Nimi

Ị́mịnị kpọ karịbụọ dịsẹgha kịmịama iné egberi peigha fa bara iroro wẹrị egberigbaa a pịrịgha ifieama paa dẹ a? anịaba, ukie karịbụọ a dịsẹnanagha otuama—gbaamaba Ọkpọnanaowei inyenrin mịnị bara peigha otu kpọ—bo Jehovah Iseriotu a paadẹ. Ámịnị Jehovah kọkọ inyenrin mịnị bara mịẹgaan paamọ yeama ẹrị daba, dei a paa emi.—Ro 1:20; 10:14.

UKIE—PEIBOLOU NANAGHA OTU KPỌ BO PEIBOLOU NANA A PAA EMI!—KARỊBỤỌ DỊSẸGHA OTU, VIDIO FARỊ DÁ BEI BIIBỊBỊ PARAỊ:

Egberigbaa karịbụọ dịsẹgha otu pịrị yọ gbelemọ yọmị Tommaso paamọ yebị te ka kị ị́ tolumọ ma o?

Your answer

Akị Mịẹmụ Bara Bị

Kịmị Ọkpọnanaowei inyenrin mịnị bara peighaba, tarị mịẹdịa bá kịlịkịlị ụwọụ akị ụbọ mọ ẹrẹtei, ụbọ tarị emi bara mịẹdịa. (2Ti 2:24) Ụbọ dịsẹnana a paa emi egberitịbịama kị kẹrị ẹrẹtei. Baratụa biin kịmịama pịrị wẹrị Ọkpọnanaowei emi bara peidẹ egberiama ụ mọ kẹrị ẹrẹtei dọụmịnị a o? Anịaba, bịsẹ yọ duonị mịẹpaamọdẹ funbo mọ vidiobo mọ akị ụbọ mọ ẹrẹtei. Was Life Created? bá The Origin of Life—Five Questions Worth Asking brochure bo akị Teaching Toolbox bọọ tụadẹ, anị kị kịmị kpaa erịdẹ.

Ọkpọnanaowei inyenrin mịnị bara peigha otubo mọ eṛẹteimụ yobị kụrọ ị́ pịrị kpọ paa emi. Bịsẹbara kị emiaba, kasụọdẹ bịnakịmị mọ ẹrẹtei. Ukie, Jehovah inyenrin mịnị bara peigha timi otu kpọ, Jehovah baratụa wó pịrị wẹrị ani adụdụbo gbele a paa emi.—Ac 13:48.