MARCH 4-10
PSALMS 16-17
Duma 111 má Tẹẹbịbị | Kasịtịbịowei Ẹrẹegberi (1 min.)
1. “Ị Laamịnị Ebibosẹ Jehovah Kị Duo Bomịnị”
(10 min.)
Jehovah karịmịnị otubo mọ ikie kẹrịmịnị yọbị wo mịẹ pọwẹị nanamịnị (Ps 16:2, 3; w18.12 26 ¶11)
Omịnị Jehovah ikie otuama paadaba, bịsẹ yọbị wo mịẹ pọwẹị nanamịnị (Ps 16:5, 6; w14 2/15 29 ¶4)
Jehovah tẹmẹanga bọọ wo kekeremịnị yọbị wo mịẹ dọọ nanamịnị (Ps 16:8, 9; w08 2/15 3 ¶2-3)
Omịnị kpọ David bara ebi ụndụ nana a paaemi, tuubị omịnị ebibosẹ mịẹ wo pịrịmịnị Ọkpọnanaowei Jehovah kị karịmịnị.
INÉ ANGỌ BII, ‘Ịmịnị bo gesii nimi bị, ine ụndụ bị tebara ka kị ebi bọlọụ dẹịndẹ a o?’
2. Bible Yelaa Yeama
(10 min.)
Ps 17:8—Bible bị “iné tọrụ-tọbọụ” gbaa egberi bị teeki wo tuu a o? (it-2 714)
Bei wiki Bible goo yọbị, te yelaa yeama kị ị́ mọ tolumọ akị ma o?
3. Bible Goo ye
(4 min.) Ps 17:1-15 (th study 5)
4. Kịmị Mọ Koro Ẹrẹteimụ Bara Mị
(1 min.) WARỊ DUO MÚ WARỊ LAA. Memorial tịịnbịbị fun akị kịmị pịrị. (th study 11)
5. Kịmị Mọ Koro Ẹrẹteimụ Bara Mị
(3 min.) WARỊ DUO MÚ WARỊ LAA. Memorial tịịnbịbị fun akị kịmị pịrị. Ụbọ dịsẹ nana emi aba, Jesus Fịị Bị Kẹrị Ukie vidio farị dá kẹrị ẹrẹtei. (th study 9)
6. Kịmị Mọ Koro Ẹrẹteimụ Bara Mị
(2 min.) TỌNGHA ANỊGHAKPỌ VURUDU BARA AKỊ EGBERIGBAA. Memorial tịịnbịbị fun akị kịmị pịrị. (th study 2)
7. Tuuduo-otu Dọụmịnị Bị
Duma 20
8. Omịnị Tebara Ka Kị Memorial Bị Angọtọlọmọ Mịnị a o?
(15 min.) Ẹrẹtei.
Jesus gbaa bara dimịẹmụ yọ duonị, Sunday, March 24 laadaba, omịnị Jesus fịị bị kẹrị ukie mịnị, akpọ paasẹ maa mịẹdịadẹ dụbadẹịn tarịbo wo mọ kẹrị ukie mịnị. (Lu 22:19; Joh 3:16; 15:13) Omịnị tebara ka kị bị yelaa uge bị angọtọlọmọ mịnị a o?
Memorial ekpekpe gbeleye bị angọtụa bara akị iné kụreiyọ mịẹdá, kịmịotu tịịn Special talk mọ Memorial mọ abo. Iné tịịn dọụmịnị kịmịbo akị fun a gẹẹ koromọ. Ụbọ mị iné egberigbaa etema fagha aba, jw.org duosụọ dá ụbọ mọ naịn-emi yetolumọyọ mọ bá ifie mọ dọụ ẹrị dá gbaa ụ pịrị.
March mọ April mọ laa daba, ị́mịnị iné egberigbaa yọ mịẹ ebimọ dẹịn a paaemi. Ị́mịnị laa 15 anịghakpọ 30 hours akị ikisa ụwọụpẹlẹ fịrị wẹnị a paaemi.
March 18 laa daba, omịnị, Jesus wó fịịmụ weeki bọọ mịẹ yebo akị Bible duo goomịnị. Bẹtịbị kịmị kị “2024 Memorial Bible Goo Yebo” akpakpa 6-7 bọọ emi yaịbo akị erein bọọ goo siinmụ yọ tọnpẹlẹ angọ pịrịmịnị.
Memorial pekei laa daba, jw.org bọọ special Morning Worship dii
Memorial erein laa daba, omịnị zụzụ bara akị aya otubo mọ bá egberigbaa yọ anịghakpọ yetolumọyọ a bogha timi a laadẹ otubo kule. Memorial fa daba biibịbị parụmụ bara akị angọ paamọ. Waịmú Memorial bọọ bo otubo laamụ bara akị angọtọlọmọ
Ifiebosẹ Jesus kụụn ịkịan kẹrị ukie, Memorial naá laagha ifie kpọ, bá bụọdẹ kị gbaa kpọ
Jesus Fịị Bị Kẹrị Ukie. VIDIO Farị Ị́ peimịnị otubo bii:
Memorial ekpekpe gbeleye mịẹmịnị ifie bị, omịnị tebara ka kị bị vidio bị akị tụamọ fịrịwẹnị mịnị a o?
9. Itu Bible Tolumọye
(30 min.) bt tịbịyọ 6 ¶18-24, box on p. 48