Agbẹị Bara Ka Kị Tẹmẹdiye (Korodiye) Dii

Tuuduo-owei James Bible bị akị tẹmẹdiye (korodiye) kị tọnmọ wẹrịemi, anịa omịnị korodiye (tẹmẹdiye) kọn angọ bolou kị dimịnị, omịnị Bible bị akị korodiye mịẹ agbẹị-emi. (Jas. 1:​22-25) Omịnị tebara ka kị bei korodiye dii agbẹị-emi a o?

Ebibara ka kị goo. Omịnị paa tẹmẹdiye (korodiye) mị akị wo koro dii wẹrị seridaba, zụa yelaa yeama ẹrịgha kpọ paaemi. Anịduonị omịnị wo adụdụmị emibara nimi dọụmịnị ifiesẹ, ebibara kọn Bible tolumọ angọpịrị.

Iné angọ kị ditụa akị zịnịotu dẹịn. Omịnị tẹmẹdiye (korodiye) akị kẹnị-anga duo diidaba, zịnị-ụbọ angọ-emi yeama kị ẹrị kpọ paaemi. Bịsẹ kpekẹnị bara kị, omịnị Bible goomịnị ifiemị, omịnị zịnịotu mịẹkiri yọama kị ẹrị kpọ paaemi. Omịnị bịsẹ bara mịẹdaba laa wo mịẹkiri yọbo kẹrị-tịẹmọgha fa.

Ebibara ye iroro. Omịnị zụa ifieama wo mịẹkiri yọbo ẹrịdaba, wo mịẹ suusụọ kpọ paaemi. Anịa omịnị agbẹị bara akị Bible goomịnị ifiesẹ Jehovah akị wo dii wẹrịemi bara dẹịn bara kọn angọ diigha fa.—Jas. 3:17.