Fotobo Duo Ye Tolumọ Akị

Wó funbo yelaa yeama tolumọmịnị fotoama k’emi. I kpọ tebara ka kị mị fotobo duo yelaa yeama tolumọ akịmịnị a o?

• Fotobo dii dẹkị egberitịbị goo. Ẹmbẹlẹ fịyaị tọrụ a sụọwẹrị kịmị mịẹ pọwẹịmịnị bara kị, fotobo iné tọrụ a sụọwẹrị ị́ mịẹ goo dịsẹ nanamịnị. Anịduonị angọ bii, ‘Teekị ị mọ ẹrịmịnị a o?’—Amos 7:7, 8.

• Egberitịbị goomịnị ifiebị, foto tụa wẹrịemi tuu kẹrị iroro. Foto kiri anga ma gẹẹ wẹrịemi yebo goo. Fotomị egbritịbị mọ kẹnịsụọmọ emi bara mọ, bá iné ụndụ gbele-emi bara mọ kẹrị iroro.

• Ị́ goo sindaba, waị ditụamịnị ifiebị fotobo akị yelaa egberibo ditụa. Fun digha bara fotobo mọ bá kon ị́ tolumọ wẹrịemi yebo mọ kẹrị iroro.

• Wẹrị bei fun bọọ emi fotobo diidá iné tolumọ akịdẹ yebo kẹrị iroro