Iné Adụdụ Tọlọmọ

Omịnị Bible tolumọ daba, wo tolumọdẹ yebo wo adụdụbo gbele kị wo mọ dọụmịnị. Bịsẹyọ gbelemọ yọbị Ezra ebi mịẹdịaye ka paa wo pịrịemi, ómịnị “wó adụdụ tọlọmọdẹ kị Jehovah Oloko goomị.” (Ezra 7:10) Omịnị tebara ka kị Ezra dimịẹ a paaemi a o?

Tẹẹbịbị mịẹ. Bible tolumọ dọụmịnị ifiesẹ tẹẹbịbị mịẹ. Jehovah baratụa ị́ pịrịwẹrị iné tolumọ dọụmịnị yemị asụọtuu nimi, bá baratụa ị́ pịrịwẹrị iné tolumọdẹ yebo kọn iné ụndụ ma tụa inyerinmụ bara tẹẹ.—Ps. 119:​18, 34.

Angọ-iyerimọ. Ọkpọnanaowei wó gesii kọn angọ serimọmịnị otubo anịghakpọ ánị bẹtịbị nimiye ka sẹsẹrẹmịnị otubo diagha. (Luke 10:21) Omịnị ye-nimiemi bara kọn kịmịotu dịa dọụmịnị kị duonị yetolumọmịnị bara mịẹ kụmọ. Iné iroroye mọ Ọkpọnanaowei iroroye mọ kẹnịsụọmọgha ifiesẹ, angọ iyerimọdá iné iroroye dei.

Wo dumabo pei. Duma adụdụbo gbele kụrọ nana wẹrịemi. Anịduonị Bible tolumọ dọụmịnị ifiemị, bọlọụ wo dumabo peidaba, baratụa ị́ pịrịwẹrị iné ịkịọụ kọn iné tolumọ dọụmịnị yemị a tụamịnị.