Bible Ovuru Bọọ Gẹẹ Wẹrịemi Yebo Duo Arerenana

New World Translation of the Holy Scriptures ovuru ma gẹẹ tụa wẹrịemi yebo Bible kọkọ kẹnịsọụmọ emibara mịẹgaan wẹrịemi. Bịsẹ ovuru ma gẹẹ wẹrịemi yebo ị́ mịẹ mú bịsẹ verse bị gbaa wẹrịemi zịnị Bible yọama sọụtuu nimimịnị. Bible yọbo A B C ama ka kị lelei tụa wẹrịemi. Printi wẹrịemi Bible kị ị́ ma ye asọụtuu dọụ dọụmịnị aba ovuru ma emị yọbo ditụa. Ị́mịnị ba jw.org anịghakpọ JW Library® app, ye asọụtuu dọụ dọụmịnị aba bịsẹ A B C bo gbele.

Bịsẹ ovuru ma gẹẹ wẹrịemi yebo ị́ mịẹ mú ẹrịmụ yebo anị:

Kpekẹnị egberi: Anị kpenikẹnị egberi gbaa wẹrịemi Bible yọama. Gbaama ba ,2Samuel 24:1 bá 1Chronicles 21:1 dii.

Quote wẹrịemi yọama: Bọlọụ bịsẹ egberi gbaa wẹrịemi Bible yọama. Gbaamaba, Matthew 4:4 bá Deuteronomy 8:3 dii.

Bụrụ egberi paabein bara: Bịsẹ Bible yọbo ị́mọ gbele daba bụrụ egberibo mọ bá paabein barabo mọ gbaa wẹrịemi Bible yọama k’emi. Gbaamaba, Matthew 21:5 bá Zechariah 9:9.