CHRISTTUUDUO-OTU BARA INYENRINPAAMỌ
Angọ Tọlọmọ Dẹ Kị Vurudu Dọọn Bo Ifie Laa
Tetuu kị duonị angọ tọlọmọ agbei emi a o? Vurudu yeama wó paamọ a paa emi, bá omịnị ịkịọụ kpọ tọngha ifie dọọn-zụọwarị a mú kpọ paa emi. Anị duonị, ebibara angọ zụọ mụ bara akị iné angọ tọlọmọ dẹ kị bịsẹ ifie laa. Bịsẹ bara ị́ mọ mịẹ daba, ị́mịnị kpọ ụndụ diidụbamọ wẹrị emi bá Jehovah asịịn gbelemọ yọ ma tụa wẹrị emi oloko kpọ diidụbamọ wẹrị emi bara kị mịẹdịa mịnị.—Ac 15:28, 29.
Ị́mịnị tebara ka kị angọ tọlọmọ a paa emi a?
Tẹẹbịbị mịẹ dá ebibara iné tọnpẹlẹ dẹ bara gẹẹ akị durable power of attorney (DPA) card a tụa.a Benibile dẹ egberigbaa kịmịbo DPA card bị nana dọụ emi aba, mú literature servant bii. Kala Identity Card (ic) bị akị anị kala awọụbo pịrị
Ị́mịnị ofuro-emi aba, itu kosuotu bara duo Information for Expectant Mothers (S-401) fun bị akị. Iné ofuro-emi ifie mọ bá iné zii mịnị ifie mọ ụndụ gbelemọ bụụdọọnyeama paa daba, bei fun bị baratụa ị́ pịrị wẹrị laa ebi iroro tọnpẹlẹ mịnị
Ị́mịnị asịịn tụa anịghakpọ hospital kị bụnụ mụ egberi paa daba, bọlọụ wẹrịmọ gbaa itu kosuotobo pịrị bá Jehovah Iseriotu bo ị́ dii a paa emi bara gbaa akị hospital dii mịnị otubo pịrị
Itu kosuotubo tebara ka kị baratụa ị́ pịrị a paa emi a o? Amịnị baratụa ị́ pịrị wẹrị ị́mịnị laa ebi iroro tọnpẹlẹ dá gẹẹ akị DPA card bọọ tụa mịnị. Anịa angọ zụọ mú bara gbelemọ yọmị itu kosuotubo iroro tọnpẹlẹ ị́ pịrịgha fa. Bá amịnị anị dịsẹ bara kpọ gbaa ị́ pịrịgha fa. (Ro 14:12; Ga 6:5) Asịịn tụa gbelemọ egberi ị́ paamọ daba, ị́ gbaa akị itu kosuotubo pịrị daba, amịnị kpa Hospital Liaison Committee (HLC) tịịn wẹrị baratụa ị́ pịrị mịnị.
HLC tebara ka kị baratụa ị́ pịrị mịnị a o? HLC bọọ emi bịnaotubo tolumọye nanadẹ otuama. Amịnị asịịn gbelemọ yọbị wó mịẹ mịnị bara bị gbaa akị dọọn zụọ otubo mọ bá ụgụlasụọ otubo mọ pịrị mịnị. Asịịn tụagha bara akị dọọn zụọ a paaemi ụwọụama amịnị mọ gbaa akị dọọn zụọ otubo pịrị mịnị. Amịnị asịịn tụagha bara akị ị́ zụọ a paa emi doctor dọụ ị́ pịrị mịnị.
ASỊỊN GBELEMỌ ANGỌ ZỤỌ IRORO TỌNPẸLẸ MỤ BARA BỊ, VIDIO FARỊ DÁ BEI BIIBỊBỊMỌ PARAỊ:
Vurudu bara akị asịịn tụagha bara dọọn zụọ gbelemọ yọmị, ịmịnị bei vidio duo teekị tolumọ akị dẹ a o?
a Pọwẹịtimi Bẹseri Bẹseri Laa! fun bị tolumọye 39 asịịn tụagha bara dọọn zụọ gbelemọ yobị baratụa ị́ pịrị wẹrị ebi iroro tọnpẹlẹ mịnị.