Kọn Bible Yọama Ukiemụ Baramị

Ị́ kpọ goo bụomọdẹ Bible yọ ukiemụ yọbị bụụdọọnye nanadẹ wẹrị ma? Kaanghaba bịsẹ Bible yọmị í kụrọmọ, baratụa í pịrị sei iroro yeama dẹịnmọ bá kọn zịnị otuama barii a paaemi. (Ps. 119:​11, 111) Wo wẹrị baratụa ị́ pịrị a paaemi yeama ditụa.

• JW Library^® app mị Tag anga kọn baratụa angọ pịrị. Tag anga duosụọ, aya tag mịẹpaamọdá “ine dịsẹ dẹịn Bible yọama” kọn ụ tịịn. Iné ukie dọụmịnị Bible yọbo kọn bịsẹ bolouma tụa.

• Bible yọbo kọn iné ẹrịmụ yọ a wẹrị. Iné ukie dọụmịnị Bible yọbo kọn fun a gẹẹdá akị iné ifiebosẹ ẹrịmụ yọ a wẹrị. Zụa kịmịama kọn tẹmẹdiye anịghakpọ fridge ka palịmịnị. Zụa otuama ba phone kọn bịsẹ Bible yọbo siin wẹrị kọn ánị computer anịghakpọ phone bolouma tụamịnị.

• Kala card-ama mịẹpaamọ. Cardbo mịẹpaamọ daba, Bible yọbo kọn kẹnị anga gẹẹ, bá Bible yọbo gbaa wẹrịemi egberibo kọn wan angama geetụa. Bịsẹ bara mịẹsiin daba, Bible yọbo diidá gbaa wẹrịemi egberibo kọn iné tịbịbiri duo gbaa, anịghakpọ gbaa wẹrịemi egberibo diidá, bịsẹ egberi gbaa wẹrịemi Bible yọ kọn iné tịbịbiri duo gbaa .