Baratụa Ị́ Pịrịwẹrị Ereinbosẹ Bible Goo A Paaemi Yeama

Ị́mịnị biin yeama kị nanawẹrị mịẹmịnị duonị, ereinbosẹ Bible goomụ yọmị kụrọ ị́ pịrị-emi a? (Josh. 1:8) Bịsẹbara aba, bei gbaa yebo mịẹ:

• Iné ukiemọmụ yeama mịẹ. Bible goomụ ifie laadaba, alarm fiepaamụ bara akị iné phonu anịghakpọ clock mịẹ.

• Bible kọn gaan yọ a wẹrị. Iné Bible kọn ifiebosẹ tọrụ ẹrịmụ yọ ka wẹrị.—Deut. 11:18.

• Audio Bible goo ye pei. Warị a fịrị wẹnịmịnị ifiemị audio Bible pei. Tara tịịnmịnị ụwọụpẹlẹ fịrị wẹnịmịnị yin-araụ, ámịnị dein ka fịrị wẹnịmịnị, á gbaamị, “Ịmịnị warị fịrị wẹnịmịnị ifiemị audio Bible peimịnị yọmị, baratụa ị pịrịwẹrị ifiebosẹ Bible goomịnị.”

• Dẹịnsụọkụmọ. Tọngha yeama iné Bible goomụ ifiema paadaba, angọtụa zụa Bible yọama goo dẹkị bụnụ yọ a mú. Ereinbosẹ dọlọ kị goo kpọ baratụa ị́ pịrịmịnị.—1Pet. 2:2.