Genesis

5 Daytoy ti libro ti pakasaritaan ni Adan. Iti aldaw a panangparsua ti Dios ken Adan isu inaramidna iti langa ti Dios.+ 2 Pinarsuana ida a lalaki ken babai.+ Kalpasan dayta binendisionanna ida ket pinanagananna ida iti Tao+ idi aldaw a pannakaparsuada.+

3 Ket ni Adan nagtultuloy a nagbiag iti sangagasut ket tallopulo a tawen. Kalpasanna isu ti ama ti maysa nga anak a lalaki iti langana, iti ladawanna, ket pinanagananna iti Set.+ 4 Ket ti al-aldaw ni Adan kalpasan ti panangputotna ken Set walo gasut a tawen idi. Kabayatanna nagbalin nga ama ti annak a lallaki ken babbai.+ 5 Gapuna amin dagiti aldaw a panagbiag ni Adan nagdagup iti siam a gasut ket tallopulo a tawen ket isu natay.+

6 Ket ni Set nagtultuloy a nagbiag iti sangagasut ket lima a tawen. Kalpasanna isu ti ama ni Enos.+ 7 Ket kalpasan ti panangputotna ken Enos nagtultuloy nga agbiag ni Set iti walo gasut ket pito a tawen. Kabayatanna nagbalin nga ama ti annak a lallaki ken babbai. 8 Gapuna amin dagiti aldaw ni Set nagdagup iti siam a gasut sangapulo ket dua a tawen ket isu natay.

9 Ket ni Enos nagtultuloy a nagbiag iti siam a pulo a tawen. Kalpasanna isu ti ama ni Quenan.+ 10 Ket kalpasan ti panangputotna ken Quenan nagtultuloy nga agbiag ni Enos iti walo gasut sangapulo ket lima a tawen. Kabayatanna nagbalin nga ama ti annak a lallaki ken babbai. 11 Gapuna amin dagiti aldaw ni Enos nagdagup iti siam a gasut ket lima a tawen ket isu natay.

12 Ket ni Quenan nagtultuloy a nagbiag iti pitopulo a tawen. Kalpasanna isu ti ama ni Mahalalel.+ 13 Ket kalpasan ti panangputotna ken Mahalalel nagtultuloy nga agbiag ni Quenan iti walo gasut ket uppat a pulo a tawen. Kabayatanna nagbalin nga ama ti annak a lallaki ken babbai. 14 Gapuna amin dagiti aldaw ni Quenan nagdagup iti siam a gasut ket sangapulo a tawen ket isu natay.

15 Ket ni Mahalalel nagtultuloy a nagbiag iti innem a pulo ket lima a tawen. Kalpasanna isu ti ama ni Jared.+ 16 Ket kalpasan ti panangputotna ken Jared nagtultuloy nga agbiag ni Mahalalel iti walo gasut ket tallopulo a tawen. Kabayatanna nagbalin nga ama ti annak a lallaki ken babbai. 17 Gapuna amin dagiti aldaw ni Mahalalel nagdagup iti walo gasut siam a pulo ket lima a tawen ket isu natay.

18 Ket ni Jared nagtultuloy a nagbiag iti sangagasut innem a pulo ket dua a tawen. Kalpasanna isu ti ama ni Enoc.+ 19 Ket kalpasan ti panangputotna ken Enoc nagtultuloy nga agbiag ni Jared iti walo gasut a tawen. Kabayatanna nagbalin nga ama ti annak a lallaki ken babbai. 20 Gapuna amin dagiti aldaw ni Jared nagdagup iti siam a gasut innem a pulo ket dua a tawen ket isu natay.

21 Ket ni Enoc nagtultuloy a nagbiag iti innem a pulo ket lima a tawen. Kalpasanna isu ti ama ni Matusalem.+ 22 Ket kalpasan ti panangputotna ken Matusalem nagtultuloy ni Enoc a nakipagna iti pudno a Dios iti tallo gasut a tawen. Kabayatanna nagbalin nga ama ti annak a lallaki ken babbai. 23 Gapuna amin dagiti aldaw ni Enoc nagdagup iti tallo gasut innem a pulo ket lima a tawen. 24 Ket ni Enoc nagtultuloy a nakipagna+ iti pudno a Dios.+ Kalpasanna isu awanen, ta innala ti Dios.+

25 Ket ni Matusalem nagtultuloy a nagbiag iti sangagasut walopulo ket pito a tawen. Kalpasanna isu ti ama ni Lamec.+ 26 Ket kalpasan ti panangputotna ken Lamec nagtultuloy nga agbiag ni Matusalem iti pito gasut walopulo ket dua a tawen. Kabayatanna nagbalin nga ama ti annak a lallaki ken babbai. 27 Gapuna amin dagiti aldaw ni Matusalem nagdagup iti siam a gasut innem a pulo ket siam a tawen ket isu natay.

28 Ket ni Lamec nagtultuloy a nagbiag iti sangagasut walopulo ket dua a tawen. Kalpasanna isu ti ama ti maysa nga anak a lalaki. 29 Ket pinanagananna iti Noe,+ a kunkunana: “Daytoy ket mangyegto kadatayo iti liwliwa manipud iti aramidtayo ken manipud iti rigat dagiti imatayo nga ibunga ti daga nga inlunod ni Jehova.”+ 30 Ket kalpasan ti panangputotna ken Noe nagtultuloy nga agbiag ni Lamec iti lima gasut siam a pulo ket lima a tawen. Kabayatanna nagbalin nga ama ti annak a lallaki ken babbai. 31 Gapuna amin dagiti aldaw ni Lamec nagdagup iti pito gasut pitopulo ket pito a tawen ket isu natay.

32 Ket ni Noe nagtawen iti lima gasut. Kalpasan dayta ni Noe isu ti ama da Sem,+ Ham+ ken Jafet.+