1 Cronicas

26 Maipaay kadagiti benneg dagiti agay-aywan iti ruangan:+ Kadagiti Korita,+ ni Meselemias+ nga anak ni Core iti annak ni Asaf. 2 Ket ni Meselemias naaddaan iti annak: ni Zacarias nga inauna, ni Jediael a maikadua, ni Zebadias a maikatlo, ni Jatniel a maikapat, 3 ni Elam a maikalima, ni Jehohanan a maikanem, ni Elieho-enai a maikapito. 4 Ket ni Obed-edom+ naaddaan iti annak: ni Semaias nga inauna, ni Jehozabad a maikadua, ni Joa a maikatlo ken ni Sacar a maikapat ken ni Netanel a maikalima, 5 ni Amiel a maikanem, ni Isacar a maikapito, ni Peulletai a maikawalo; ta isu binendisionan ti Dios.+

6 Ket adda annak a nayanak ken Semaias nga anakna isuda nga agtuturay iti balay ni amada, ta makabaelda, nabileg a lallaki. 7 Ti annak ni Semaias, da Otni ken Refael ken Obed, ni Elzabad, a dagiti kakabsatda makabaelda a lallaki, da Eliu ken Semaquias. 8 Manipud amin dagitoy iti annak ni Obed-edom, isuda ken ti annakda ken kakabsatda, makabael a lallaki nga addaan bileg maipaay iti panagserbi, innem a pulo ket dua a kukua ni Obed-edom. 9 Ket ni Meselemias+ naaddaan iti annak ken kakabsat, makabael a lallaki, sangapulo ket waloda. 10 Ket ni Hosa iti annak ni Merari naaddaan iti annak. Ni Simri ti pannakaulo, ta saan idi nga isu ti inauna+ ngem dinutokan ni amana kas pannakaulo;+ 11 ni Hilkias a maikadua, ni Tebalias a maikatlo, ni Zacarias a maikapat. Sangapulo ket tallo amin ti annak ken kakabsat ni Hosa.

12 Kadagitoy a benneg dagiti agay-aywan iti ruangan, naaddaan dagiti panguluen kadagiti annongen nga apag-isu a kas iti kakabsatda,+ tapno agserbida idiay balay ni Jehova. 13 Gapuna nagbibinnunotda+ maipaay iti bassit kas met laeng ti maipaay iti dakkel sigun iti balbalay dagiti ammada,+ maipaay kadagiti nadumaduma a ruangan. 14 Idin ti pannaka-bunot iti agpadaya naitumpong ken Selemias.+ Maipaay ken Zacarias+ nga anakna, maysa a manangbalakad+ nga addaan sirib, nagbibinnunotda, ket ti pannakabunotna rimmuar iti agpaamianan.+ 15 Naadda ti kukua ni Obed-edom iti agpaabagatan, ket dagiti kamalig+ naadda iti annakna.+ 16 Naadda ti kukua da Suppim ken Hosa+ iti agpalaud iti asideg ti Ruangan ti Sallequet iti igid ti kangrunaan a kalsada a sumang-at, bunggoy dagiti guardia+ a kabinnatog ti bunggoy dagiti guardia;+ 17 iti agpadaya adda idi innem a Levita; iti agpaamianan maipaay iti maysa nga aldaw, uppat; iti agpaabagatan maipaay iti maysa nga aldaw,+ uppat; ket maipaay kadagiti pempen,+ sagdudua; 18 maipaay iti portico iti agpalaud, uppat idiay kangrunaan a kalsada,+ dua idiay portico. 19 Dagitoy ti bembenneg dagiti agay-aywan iti ruangan iti annak dagiti Korita+ ken iti annak ni Merari.+

20 No maipapan kadagiti Levita, ni Ahias ti agay-aywan kadagiti gameng+ ti balay ti pudno a Dios ken agay-aywan kadagiti gameng ti bambanag a napagsanto.+ 21 Ti annak ni Ladan,+ ti annak ti Gersonita a kukua ni Ladan; dagiti pannakaulo ti balbalay dagiti amma a kukua ni Ladan a Gersonita, ni Jehieli.+ 22 Ti annak ni Jehieli, da Zetam ken Joel+ a kabsatna, isuda ti agay-aywan kadagiti gameng+ ti balay ni Jehova. 23 Maipaay kadagiti Amramita, maipaay kadagiti Izarita, maipaay kadagiti Hebronita, maipaay kadagiti Uzzielita,+ 24 mismo a ni Sebuel+ nga anak ni Gersom nga anak ni Moises maysa idi a panguluen kadagiti pempen. 25 No maipapan iti kakabsatna, ken Eliezer+ adda ni Rehabias+ nga anakna ken ni Jesaias nga anakna ken ni Joram nga anakna ken ni Zicri nga anakna ken ni Selomot nga anakna. 26 Daytoy a Selomot ken ti kakabsatna isuda ti agay-aywan kadagiti amin a gameng ti bambanag a napagsanto,+ a pinagsanto ni David+ nga ari ken dagiti pannakaulo ti balbalay dagiti amma,+ ken dagiti panguluen ti rinibu ken ti ginasut, ken dagiti panguluen ti buyot. 27 Manipud kadagiti gubat+ ken manipud iti samsam+ namagsantoda iti bambanag a pangtaginayonda iti balay ni Jehova. 28 Ken kasta met ti isuamin a pinagsanto ni Samuel a pumaparmata+ ken ni Saul nga anak ni Kis ken ni Abner+ nga anak ni Ner ken ni Joab+ nga anak ni Zeruia.+ Aniaman a pinagsanto ti asinoman adda idi iti sidong ti panangaywan ni Selomit ken ti kakabsatna.

29 Kadagiti Izarita,+ ni Kenanias ken ti annakna agpaayda idi iti trabaho iti ruar+ kas opisial ken kas uk-ukom+ iti Israel.

30 Kadagiti Hebronita,+ ni Hasabias ken ti kakabsatna, makabael a lallaki,+ sangaribu pito gasut, addada iti panangaywan iti Israel idiay rehion ti Jordan iti agpalaud maipaay iti isuamin nga aramid ni Jehova ken maipaay iti panagserbi iti ari. 31 Kadagiti Hebronita, ni Jerias+ ti pannakaulo dagiti Hebronita sigun kadagiti kaputotanna sigun kadagidi amma. Iti maikapat a pulo+ a tawen ti panagari ni David nasukimatda, ket dagiti maingel, nabileg a lallaki nasarakan iti tengngada idiay Jazer+ iti Galaad.+ 32 Ket ti kakabsatna, makabael a lallaki,+ dua ribu pito gasutda, dagiti pannakaulo ti balbalay dagiti amma.+ Gapuna ni David nga ari tinudinganna ida a mamangulo kadagiti Rubenita ken kadagiti Gadita ken iti kagudua a tribu dagiti Manasesita,+ maipaay iti tunggal banag ti pudno a Dios ken banag+ ti ari.