Nehemias

3 Ket ni Eliasib+ a nangato a padi ken ti kakabsatna, ti papadi, timmakderda ket binangonda ti Ruangan ti Karnero.+ Isuda sinantipikarda dayta+ ket insaadda dagiti rikepna; ket sinantipikarda dayta agingga iti Torre ti Mea,+ agingga iti Torre ni Hananel.+ 2 Ket iti sibayda inaramid dagiti lallaki ti Jerico+ ti panagbangon. Ket iti sibayda inaramid ni Zacur nga anak ni Imri ti panagbangon.

3 Ket ti Ruangan ti Ikan+ isu ti binangon ti annak ni Hassenaa; isuda tinablaanda dayta+ ket kalpasanna insaadda dagiti rikepna,+ dagiti tornokna ken dagiti balunetna.+ 4 Ket iti sibayda inaramid ni Meremot+ nga anak ni Uria+ nga anak ni Hacoz ti panagtarimaan, ket iti sibayda inaramid ni Mesullam+ nga anak ni Berekias nga anak ni Mesezabel ti panagtarimaan; ket iti sibayda inaramid ni Sadok nga anak ni Baana ti panagtarimaan. 5 Ket iti sibayda inaramid dagiti Tecoita+ ti panagtarimaan; ngem dagidiay nadaeg+ kadakuada saanda nga inyeg ti teltelda iti panagserbi dagiti appoda.

6 Ket ti Ruangan ti Daan a Siudad+ isu ti tinarimaan da Joiada nga anak ni Pasea ken Mesullam nga anak ni Besodias; isuda tinablaanda dayta ket kalpasanna insaadda dagiti rikepna ken dagiti tornokna ken dagiti balunetna.+ 7 Ket iti sibayda inaramid ni Melatias a Gabaonita+ ken ni Jadon a Meronotita,+ ti panagtarimaan, lallaki ti Gabaon+ ken Mizpa,+ isuda a kukua ti trono ti gobernador+ iti labes ti Karayan.+ 8 Iti sibayna inaramid ni Uzziel nga anak ni Harhaias, dagiti agpampanday iti balitok,+ ti panagtarimaan; ket iti sibayna inaramid ni Hananias a maysa a kameng dagiti managlaok iti sapsapo,+ ti panagtarimaan; ket dinalumpinasanda ti Jerusalem agingga iti Akaba a Pader.+ 9 Ket iti sibayda inaramid ni Refaias nga anak ni Hur, maysa a prinsipe ti kagudua ti distrito ti Jerusalem, ti panagtarimaan. 10 Ket iti sibayda inaramid ni Jedaias nga anak ni Harumaf ti panagtarimaan iti sanguanan ti bukodna a balay;+ ket iti sibayna inaramid ni Hattus nga anak ni Hasabnias ti panagtarimaan.

11 Ti sabali pay a narukod a paset isu ti tinarimaan da Malkias nga anak ni Harim+ ken Hassub nga anak ni Pahat-moab,+ ken kasta met ti Torre dagiti Paglutuan nga Urno.+ 12 Ket iti sibayna inaramid ni Sallum nga anak ni Halohes, maysa a prinsipe+ ti kagudua ti distrito ti Jerusalem, ti panagtarimaan, isu ken ti annakna a babbai.

13 Ti Ruangan ti Ginget+ isu ti tinarimaan ni Hanun ken dagiti agnanaed ti Zanoa;+ isuda binangonda dayta ket kalpasanna insaadda dagiti rikepna,+ dagiti tornokna+ ken dagiti balunetna,+ kasta met ti sangaribu a kasiko iti pader agingga iti Ruangan dagiti Gabsuon a Dapo.+ 14 Ket ti Ruangan dagiti Gabsuon a Dapo isu ti tinarimaan ni Malkias nga anak ni Recab, maysa a prinsipe ti distrito ti Bet-haquerem;+ isu binangonna dayta ket insaadna dagiti rikepna, dagiti tornokna ken dagiti balunetna.

15 Ket ti Ruangan ti Ubbog+ isu ti tinarimaan ni Sallun nga anak ni Colhoze, maysa a prinsipe ti distrito ti Mizpa;+ isu binangonna dayta ket inatepanna ket impasdekna dagiti rikepna,+ dagiti tornokna ken dagiti balunetna, ken kasta met ti pader ti Ban-aw+ ti Kanal nga agturong iti Minuyongan ti Ari+ ken agingga iti Agdan+ a bumaba manipud iti Siudad ni David.+

16 Simmaruno kenkuana inaramid ni Nehemias nga anak ni Azbuc, maysa a prinsipe ti kagudua ti distrito ti Bet-zur,+ ti panagtarimaan agingga iti sango Dagiti Lugar a Pagitabonan+ ni David ken agingga iti ban-aw+ a naaramid ken agingga iti Balay Dagidiay Mannakabalin.+

17 Simmaruno kenkuana inaramid dagiti Levita+ ti panagtarimaan, ni Rehum nga anak ni Bani;+ iti sibayna inaramid ni Hasabias, maysa a prinsipe ti kagudua ti distrito ti Keila,+ ti panagtarimaan maipaay iti distritona. 18 Simmaruno kenkuana inaramid ti kakabsatna ti panagtarimaan, ni Bavvai nga anak ni Henadad, maysa a prinsipe ti kagudua ti distrito ti Keila.

19 Ket ni Ezer nga anak ni Jesua,+ maysa a prinsipe ti Mizpa,+ iti sibayna tinarimaanna ti sabali pay a narukod a paset iti sango ti agpasang-at iti Pagidulinan kadagiti Armas idiay Suray.+

20 Simmaruno kenkuana, ni Baruc nga anak ni Zabbai+ nagtrabaho a buyogen ti regget+ ket tinarimaanna ti sabali pay a narukod a benneg, manipud iti Suray agingga iti pagserkan ti balay ni Eliasib+ a nangato a padi.

21 Simmaruno kenkuana tinarimaan ni Meremot nga anak ni Uria+ nga anak ni Hacoz ti sabali pay a narukod a benneg, manipud iti pagserkan ti balay ni Eliasib agingga iti ungto ti balay ni Eliasib.

22 Ket simmaruno kenkuana inaramid ti papadi, lallaki ti Distrito ti Jordan,+ ti panagtarimaan. 23 Simmaruno kadakuada inaramid da Benjamin ken Hassub ti panagtarimaan iti sango ti bukodda a balay. Simmaruno kadakuada inaramid ni Azarias nga anak ni Maasias nga anak ni Anania ti panagtarimaan iti asideg ti bukodna a balay. 24 Simmaruno kenkuana tinarimaan ni Binui nga anak ni Henadad ti sabali pay a narukod a benneg, manipud iti balay ni Azarias agingga iti Suray+ ken agingga iti nagsulian.

25 [Simmaruno kenkuana inaramid] ni Palal nga anak ni Uzai [ti panagtarimaan] iti sango ti Suray ken ti torre a rummuar manipud iti Balay ti Ari,+ daydiay makinngato nga adda iti Paraangan ti Guardia.+ Simmaruno kenkuana adda ni Pedaias nga anak ni Paros.+

26 Ket dagiti met laeng Netineo+ agnanaedda idi idiay Ofel;+ inaramidda ti panagtarimaan agingga iti sango ti Ruangan ti Danum+ iti daya ken iti agdawdawadaw a torre.

27 Simmaruno kadakuada tinarimaan dagiti Tecoita+ ti sabali pay a narukod a benneg, manipud sanguanan ti dakkel nga agdawdawadaw a torre agingga iti pader ti Ofel.

28 Iti ngatuen ti Ruangan ti Kabalio+ inaramid ti papadi ti panagtarimaan, tunggal maysa iti sango ti bukodna a balay.

29 Simmaruno kadakuada inaramid ni Sadok+ nga anak ni Immer ti panagtarimaan iti sango ti bukodna a balay.

Ket simmaruno kenkuana inaramid ni Semaias nga anak ni Secanias, ti agay-aywan iti Makindaya a Ruangan,+ ti panagtarimaan.

30 Simmaruno kenkuana tinarimaan ni Hananias nga anak ni Selemias ken ni Hanun a maikanem nga anak ni Zalaf ti sabali pay a narukod a benneg.

Simmaruno kenkuana inaramid ni Mesullam+ nga anak ni Berekias ti panagtarimaan iti sanguanan ti bukodna a siled.+

31 Simmaruno kenkuana inaramid ni Malkias, maysa a kameng ti gunglo dagiti agpampanday iti balitok,+ ti panagtarimaan agingga iti balay dagiti Netineo+ ken dagiti agtagtagilako,+ iti sango ti Ruangan ti Pannakasukimat ken agingga iti siled iti pangatepan ti nagsulian.

32 Ket iti nagbaetan ti siled iti pangatepan ti nagsulian ken ti Ruangan ti Karnero+ inaramid dagiti agpampanday iti balitok ken dagiti agtagtagilako ti panagtarimaan.