Salmo

120 Ken Jehova immawagak iti rigatko,+

Ket sinungbatannak.+

 2 O Jehova, ispalem ti kararuak kadagiti ulbod a bibig,+

Iti manangallilaw a dila.+

 3 Anianto ti ited kenka ti maysa, ket anianto ti inayon kenka ti maysa,

O sika a manangallilaw a dila?+

 4 Dagiti napatirad a pana ti nabileg a lalaki,+

Agraman dagiti sumsumged a beggang dagiti kayo a retama.+

 5 Ay-ayak pay, ta nagtaengak kas ganggannaet iti Mesec!+

Nakipagtabernakuloak kadagiti tolda ti Quedar.+

 6 Iti nabayag unay a tiempo nakipagtabernakulo ti kararuak+

Kadagiti gumurgura iti talna.+

 7 Itakderak ti talna;+ ngem no agsaoak,

Agpaayda iti gubat.+