Josue

21 Dagiti pannakaulo ti amma dagiti Levita immasidegda itan ken ni Eleazar+ a padi ken ni Josue+ nga anak ni Nun ken kadagiti pannakaulo ti amma dagiti tribu ti annak ti Israel, 2 ket nagsaoda kadakuada idiay Silo+ iti daga ti Canaan, a kunkunada: “Ni Jehova babaen ken Moises imbilinna a maited kadakami dagiti siudad a pagnaedanmi, agraman dagiti pagpaarabanda maipaay kadagiti naamo nga animalmi.”+ 3 Gapuna ti annak ti Israel intedda kadagiti Levita,+ kas imbilin ni Jehova, dagitoy a siudad ken dagiti pagpaarabanda manipud iti tawidda.+

4 Idin rimmuar ti pannaka-bunot maipaay iti pampamilia dagiti Cohatita,+ ket sangapulo ket tallo a siudad ti nagbalin a kukua ti annak ni Aaron a padi, dagiti Levita, babaen ti panagbibinnunot, manipud iti tribu ni Juda+ ken manipud iti tribu dagiti Simeonita+ ken manipud iti tribu ni Benjamin.+

5 Ket maipaay iti natedda nga annak ni Cohat+ adda sangapulo a siudad manipud kadagiti pamilia ti tribu ni Efraim+ ken manipud iti tribu ni Dan+ ken manipud iti kagudua a tribu ni Manases+ babaen ti panagbibinnunot.

6 Ket maipaay iti annak ni Gerson+ adda sangapulo ket tallo a siudad manipud kadagiti pamilia ti tribu ni Isacar+ ken manipud iti tribu ni Aser+ ken manipud iti tribu ni Neftali+ ken manipud iti kagudua a tribu ni Manases idiay Basan+ babaen ti panagbibinnunot.

7 Maipaay iti annak ni Merari+ sigun iti pampamiliada adda sangapulo ket dua a siudad manipud iti tribu ni Ruben+ ken manipud iti tribu ni Gad+ ken manipud iti tribu ni Zabulon.+

8 Iti kasta ti annak ti Israel intedda kadagiti Levita dagitoy a siudad ken dagiti pagpaarabanda+ babaen ti panagbibinnunot,+ kas iti imbilin ni Jehova babaen ken Moises.+

9 Gapuna manipud iti tribu ti annak ni Juda ken manipud iti tribu ti annak ni Simeon intedda dagitoy a siudad a nainaganan,+ 10 ket nagbalinda a kukua ti annak ni Aaron manipud iti pampamilia dagiti Cohatita iti annak ni Levi, agsipud ta nagbalin a kukuada ti immuna a pannaka-bunot.+ 11 Gapuna intedda kadakuada ti Kiriat-arba+ (ti nakuna nga Arba nga isu ti ama ni Anak),+ kayatna a sawen, Hebron,+ iti nakabambantay a rehion ti Juda,+ ken ti pagpaarabanna iti intero nga aglikmutna; 12 ket ti tay-ak ti siudad ken dagiti purokna intedda ken Caleb nga anak ni Jefune kas sanikuana.+

13 Ket iti annak ni Aaron a padi intedda ti siudad a pagkamangan+ maipaay iti nakapapatay,+ awan sabali, ti Hebron,+ ken ti pagpaarabanna, kasta met ti Libna+ ken ti pagpaarabanna, 14 ken ti Jattir+ ken ti pagpaarabanna, ken ti Estemoa+ ken ti pagpaarabanna, 15 ken ti Holon+ ken ti pagpaarabanna, ken ti Debir+ ken ti pagpaarabanna, 16 ken ti Ain+ ken ti pagpaarabanna, ken ti Jutta+ ken ti pagpaarabanna, ti Bet-semes+ ken ti pagpaarabanna; siam a siudad manipud kadagitoy dua a tribu.

17 Ket manipud iti tribu ni Benjamin, ti Gabaon+ ken ti pagpaarabanna, ti Geba+ ken ti pagpaarabanna, 18 ti Anatot+ ken ti pagpaarabanna, ken ti Almon+ ken ti pagpaarabanna; uppat a siudad.

19 Amin dagiti siudad ti annak ni Aaron,+ ti papadi, sangapulo ket talloda a siudad ken dagiti pagpaarabanda.+

20 Ket maipaay kadagiti pamilia ti annak ni Cohat, dagiti Levita a natedda iti annak ni Cohat, naadda dagiti siudad manipud iti tribu ni Efraim sigun ti pannaka-bunotda.+ 21 Iti kasta intedda kadakuada ti siudad a pagkamangan+ maipaay iti nakapapatay,+ awan sabali, ti Siquem,+ ken ti pagpaarabanna+ iti nakabambantay a rehion ti Efraim, ken ti Gezer+ ken ti pagpaarabanna, 22 ken ti Kibzaim+ ken ti pagpaarabanna, ken ti Bet-horon+ ken ti pagpaarabanna; uppat a siudad.

23 Ket manipud iti tribu ni Dan, ti Elteque ken ti pagpaarabanna, ti Gibbeton+ ken ti pagpaarabanna, 24 ti Ajalon+ ken ti pagpaarabanna, ti Gat-rimmon+ ken ti pagpaarabanna; uppat a siudad.

25 Ket manipud iti kagudua a tribu ni Manases, ti Taanac+ ken ti pagpaarabanna, ken ti Gat-rimmon ken ti pagpaarabanna; dua a siudad.

26 Amin dagiti siudad agraman dagiti pagpaarabanda a naadda iti pampamilia dagiti natedda nga annak ni Cohat ket sangapulo.

27 Ket maipaay iti annak ni Gerson,+ kadagiti pamilia dagiti Levita, adda ti naggapu iti kagudua a tribu ni Manases+ a siudad a pagkamangan maipaay iti nakapapatay, awan sabali, ti Golan,+ idiay Basan, ken ti pagpaarabanna, ken ti Beestera+ ken ti pagpaarabanna; dua a siudad.

28 Ket manipud iti tribu ni Isacar,+ ti Kision+ ken ti pagpaarabanna, ti Daberat+ ken ti pagpaarabanna, 29 ti Jarmut+ ken ti pagpaarabanna, ti En-gannim+ ken ti pagpaarabanna; uppat a siudad.

30 Ket manipud iti tribu ni Aser,+ ti Misal+ ken ti pagpaarabanna, ti Abdon+ ken ti pagpaarabanna, 31 ti Helcat+ ken ti pagpaarabanna, ken ti Rehob+ ken ti pagpaarabanna; uppat a siudad.

32 Ket manipud iti tribu ni Neftali,+ ti siudad a pagkamangan+ a maipaay iti nakapapatay,+ awan sabali, ti Kedes+ idiay Galilea, ken ti pagpaarabanna, ken ti Hammot-dor+ ken ti pagpaarabanna, ken ti Cartan ken ti pagpaarabanna; tallo a siudad.

33 Amin dagiti siudad dagiti Gersonita sigun iti pampamiliada sangapulo ket talloda a siudad ken dagiti pagpaarabanda.

34 Ket kadagiti pamilia ti annak ni Merari,+ dagiti Levita a natedda, naadda kadakuada manipud iti tribu ni Zabulon+ ti Jocneam+ ken ti pagpaarabanna, ti Carta ken ti pagpaarabanna, 35 ti Dimna+ ken ti pagpaarabanna, ti Nahalal+ ken ti pagpaarabanna; uppat a siudad.

36 Ket manipud iti tribu ni Ruben,+ ti Bezer+ ken ti pagpaarabanna, ken ti Jahaz+ ken ti pagpaarabanna, 37 ti Kedemot+ ken ti pagpaarabanna, ken ti Mefaat+ ken ti pagpaarabanna; uppat a siudad.

38 Ket manipud iti tribu ni Gad,+ ti siudad a pagkamangan maipaay iti nakapapatay, awan sabali, ti Ramot idiay Galaad,+ ken ti pagpaarabanna, ken ti Mahanaim+ ken ti pagpaarabanna, 39 ti Hesbon+ ken ti pagpaarabanna, ti Jazer+ ken ti pagpaarabanna; amin dagiti siudad uppatda.

40 Amin dagiti siudad a nagbalin a kukua ti annak ni Merari+ sigun iti pampamiliada, a natedda manipud iti pampamilia dagiti Levita, ket, kas iti pannaka-bunotda, sangapulo ket duada a siudad.

41 Amin dagiti siudad dagiti Levita iti tengnga dagiti sanikua ti annak ti Israel ket uppat a pulo ket walo a siudad+ agraman dagiti pagpaarabanda.+ 42 Dagitoy a siudad nagbalinda tunggal maysa kas siudad agraman ti pagpaarabanna iti intero nga aglikmutna—kasta no maipapan kadagitoy amin a siudad.+

43 Gapuna inted ni Jehova iti Israel ti intero a daga nga insapatana nga ited kadagidi ammada,+ ket tinagikuada+ dayta ken pinagnaedanda. 44 Kanayonanna pay, ni Jehova impaayanna ida iti inana+ iti intero nga aglikmut, maitunos iti isuamin nga insapatana+ kadagidi ammada, ket awan uray maysa kadagiti amin a kabusorda ti nagtakder iti sanguananda.+ Amin dagiti kabusorda inyawat ni Jehova iti imada.+ 45 Awan uray maysa a kari a napaay manipud iti isuamin a naimbag a kari nga inaramid ni Jehova iti balay ti Israel; pimmudnoda amin.+