5 Ket dimteng ni Ari David agingga iti Bahurim,+ ket, adtoy! rumrummuar manipud sadiay ti maysa a lalaki iti pamilia ti balay ni Saul, ket ti naganna Simei,+ ti anak ni Gera, rumrummuar ken mangidawdawat iti pakadaksan bayat ti iruruarna.+

13 Gapuna ni David ken dagiti tattaona nagtultuloyda a napan iti dalan, bayat a magmagna idi ni Simei iti sidiran ti bantay, a magmagna a makigidgiddan kenkuana tapno maidawdawatna ti pakadaksan;+ ket nagtultuloy a nagibarsak iti batbato bayat a makigidgiddan kenkuana, ket nagipuruak iti adu a tapok.+