15 “‘Dikay agaramid iti di kinahustisia iti panangukom. Dika tratuen ti nanumo buyogen ti panangidumduma,+ ket dika paboran ti kinatao daydiay naindaklan.+ Rebbeng nga ukomem ti katimpuyogmo buyogen ti kinahustisia.

17 Dikay mangidumduma iti panangukom.+ Rebbeng a denggenyo daydiay bassit a kas met laeng iti daydiay dakkel.+ Dikay maaliaw gapu iti tao,+ ta ti panangukom kukua ti Dios;+ ket ti kaso a narikut unay kadakayo, rebbeng nga idatagyo kaniak, ket denggekto.’+

19 Dika ballikugen ti panangukom.+ Dika mangidumduma+ wenno umawat iti pasuksok, ta ti pasuksok bulsekenna ti matmata dagidiay masirib+ ken killuenna ti sasao dagidiay nalinteg.

7 Ket ita maadda koma kadakayo+ ti panagalinggaget+ ken Jehova. Agannadkayo ket agtignaykayo,+ ta ken Jehova a Diostayo awan kinakillo+ wenno panangidumduma+ wenno panangala iti pasuksok.”+

21 Iti sanguanan ti Dios ken ni Kristo Jesus ken dagiti napili nga anghel sipapasnek a bilinenka+ a salimetmetam dagitoy a banag nga awan nasaksakbay a panagipato, a saanka nga agaramid iti aniaman maitunos iti pagannayasan nga adda dasdasiganna.+

4 iti nagtetengngaanyo addaankayo kadagiti panamaglalasin gapu iti saad iti panagbiag+ ket nagbalinkayo nga uk-ukom+ a mangipapaay kadagiti nadangkes a pangngeddeng,+ saan aya a kasta?

17 Kanayonanna pay, no umaw-awagkayo iti Ama a mangukom nga awanan panangidumduma+ sigun iti aramid ti tunggal maysa, agbiagkayo a buyogen ti panagbuteng+ kabayatan ti tiempo a panagnaedyo kas ganggannaet.+