15 Ket inton iyukradyo dagiti dakulapyo,+ ilingedko dagiti matak manipud kadakayo.+ Uray no mamin-adu nga agkararagkayo,+ saanak nga umimdeng;+ dagiti mismo nga imayo napnoda iti panagibukbok iti dara.+
12 No agayunarda, saanko nga im-imdengan ti agpakpakaasi nga ikkisda;+ ket no idatonda ti sibubukel a daton a mapuoran ken ti daton a bukbukel, saanak a maragsakan kadakuada;+ ta babaen ti kampilan ken babaen ti nakaro a bisin ken babaen ti angol pagpatinggaek ida.”+
18 Ket siak met agtignayakto a sipupungtot.+ Ti matak saanto a mangay-ay, saanakto met a mangngaasi.+ Ket sigurado nga agpukkawdanto kadagiti lapayagko iti natbag a timek, ngem saankonto ida a denggen.”+
4 Iti dayta a tiempo umasugdanto ken Jehova maipaay ti tulong, ngem saannanto a sungbatan ida.+ Ket ilingednanto ti rupana manipud kadakuada iti dayta a tiempo,+ maitunos iti panagaramidda iti kinadakes kadagiti pannakilangenda.+
13 “‘Ket iti kasta napasamak a, no kasano nga isu immawag ket saanda nga immimdeng,+ kasta met nga umawagdanto ket saanakto nga umimdeng,’+ kinuna ni Jehova ti buybuyot.