11 Ket mapasamakto iti dayta nga aldaw a ni Jehova iyawatnanto manen ti imana, iti maikadua a daras,+ tapno gun-odenna ti natda iti ilina a mabatinto manipud Asiria+ ken manipud Egipto+ ken manipud Patros+ ken manipud Cus+ ken manipud Elam+ ken manipud Sinar+ ken manipud Hamat ken manipud kadagiti isla ti baybay.+

12 Ket mapasamakto iti dayta nga aldaw a ni Jehova aprasennanto ti bunga,+ manipud iti agay-ayus a waig ti Karayan+ agingga iti naapres a ginget ti Egipto,+ ket iti kasta dakayo mapidutkayto nga agsasaruno,+ O annak ti Israel.

25 “‘Daytoy ti kinuna ti Soberano nga Apo Jehova: “Inton ummongek a sangsangkamaysa ti balay ti Israel manipud kadagiti ili nga iti tengngada naiwarawarada,+ masantipikarakto met iti tengngada iti imatang dagiti nasion.+ Ket sigurado nga agnaeddanto iti dagada+ nga intedko iti adipenko, ken Jacob.+

14 Ket ummongekto nga isubli dagidiay kautibo iti ilik nga Israel,+ ket pudno a bangonendanto dagiti langalang a siudad ket pagnaedanda ida,+ ket agmulada kadagiti kaubasan ket inumenda dagiti arakda, ket agaramidda kadagiti minuyongan ket kanenda dagiti bungada.’+

7 Ket daydiay nagsagkisagking sigurado a pagbalinekto a maysa a natda,+ ken daydiay naipanaw iti adayo maysa a nabileg a nasion;+ ket ni Jehova pudno nga agturayto kadakuada kas ari idiay Bantay Sion, manipuden ita ken agingga iti tiempo a di nakedngan.+