14 Gapuna ni met laeng Jehova mangtedto kadakayo iti pagilasinan: Adtoy! Ti met laeng balasang+ pudno nga agsikogto,+ ket mangipasngay iti anak a lalaki,+ ket pudno unay a panaganannanto iti Emmanuel.

6 Ta adda maysa nga ubing a nayanak kadatayo,+ adda maysa nga anak a lalaki a naited kadatayo;+ ket ti naprinsipean a panagturay maiparabawto iti abagana.+ Ket mapanagananto iti Nakaskasdaaw a Manangbalakad,+ Mannakabalin a Dios,+ Agnanayon nga Ama,+ Prinsipe ti Kappia.+

5 “Adtoy! Adda um-umayen nga al-aldaw,” kuna ni Jehova, “ket mangibangonakto ken David iti nalinteg a tarubong.+ Ket maysa nga ari ti sigurado nga agturayto+ ken agtignay a buyogen ti kinamasirib ken mangipakat iti kinahustisia ken kinalinteg iti daga.+

23 Ket mangibangonakto kadakuada iti maysa a pastor,+ ket masapul a pakanenna ida, ni adipenko a David a mismo.+ Isu pakanennanto ida, ket isu agbalinto a pastorda.+

24 “Adda pitopulo a lawas a naikeddeng iti ilim+ ken iti nasantuan a siudadmo,+ tapno gibusan ti salungasing,+ ken tapno pagpatinggaen ti basol,+ ken tapno mangaramid iti panangabbong maipaay iti biddut,+ ken tapno mangyeg iti kinalinteg maipaay kadagiti tiempo a di nakedngan,+ ken tapno mangimaldit iti maysa a selio+ iti sirmata ken mammadto, ken tapno pulotan ti Santo dagiti Sasanto.+

2 “Ket sika, O Betlehem Efrata,+ daydiay nakabasbassit tapno mairaman kadagiti rinibu ti Juda,+ manipud kenka+ rummuarto nga umay kaniak daydiay agbalin nga agturay iti Israel,+ a ti namunganayanna ket manipud kadagiti immuna a tiempo, manipud kadagiti aldaw ti tiempo a di nakedngan.+

3 “Adtoy! Ibaonko ti mensaherok,+ ket masapul a mangwaknit iti maysa a dalan iti sanguanak.+ Ket giddato nga umayto iti templona+ ti pudno nga Apo,+ a sapsapulenyo, ken ti mensahero+ ti tulag+ a kenkuana maragsakankayo.+ Adtoy! Sigurado nga umayto,” kinuna ni Jehova ti buybuyot.+

45 Ni Felipe nasarakanna ni Natanael+ ket kinunana kenkuana: “Nasarakanmi daydiay nga iti Linteg,+ ni Moises ken dagiti Mammadto+ insuratda, ni Jesus, ti anak ni Jose,+ a taga Nazaret.”

43 Kenkuana dagiti amin a mammadto mangsaksida,+ a tunggal maysa a maaddaan iti pammati kenkuana umawat iti pannakapakawan ti basbasol babaen iti naganna.”+

22 Nupay kasta, agsipud ta nagun-odak ti tulong+ a naggapu iti Dios agtultuloy a saksiak agpadpada dagiti babassit ken dadakkel agingga itoy nga aldaw, ngem awan sasawek malaksid iti bambanag a sinao dagiti Mammadto+ kasta met ni Moises+ a maaramidto,