5 Naaddaanak iti adu a baka, asno, karnero, ken adipen a lallaki ken babbai.+ Imbaonko dagitoy a mensaherok bareng maragsakanka kaniak.”’”

6 Kalpasanna, innala ni Esau dagiti assawana, annakna, amin a miembro ti sangakabbalayanna, amin a tarakenna, ken amin a kinabaknang a naurnongna+ idiay Canaan, ket napan iti sabali a lugar nga adayo ken Jacob a kabsatna.+ 7 Immadu ngamin unay ti sanikuada ken saandan a makapagnaed iti maymaysa a lugar, ket saanen a mabiag ida ti daga a pagnanaedanda* gapu ta nakaad-adu ti tarakenda.