10 “Mangaramidkayo iti lakasa a kayo ti akasia a dua ket kagudua a kasiko* ti kaatiddogna, maysa ket kagudua a kasiko ti kaakabana, ken maysa ket kagudua a kasiko ti kangatona.+ 11 Kalupkopanyo iti puro a balitok.+ Kalupkopanyo ti uneg ken ruarna, ken mangaramidkayo iti balitok a dekorasion iti intero nga aglawlawna.+ 12 Mangaramidkayo iti uppat a balitok a sinansingsing a pagyusokan ken ikabilyo dagita iti ngato ti uppat a sakana, dua a sinansingsing a pagyusokan iti kannigid a sikiganna ken dua a sinansingsing a pagyusokan iti kannawan a sikiganna. 13 Mangaramidkayo kadagiti assiw a kayo ti akasia ket kalupkopanyo iti balitok.+ 14 Iyusokyo dagiti assiw kadagiti sinansingsing iti agsumbangir a sikigan ti Lakasa tapno maawityo dayta. 15 Diyo ik-ikkaten dagiti assiw kadagiti sinansingsing iti sikigan ti Lakasa; masapul nga agtalinaedda iti nakayusokanda.+